തിരുവനന്തപുരം ബാർട്ടൺ ഹിൽ ഗവ. എൻജിനിയറിങ് കോളേജിൽ പ്രവർത്തിക്കുന്ന കേരള സാങ്കേതിക സർവകലാശാലയുടെ പരീക്ഷാ മൂല്യ നിർണയ ക്യാമ്പിൽ ദിവസവേതനാടിസ്ഥാനത്തിൽ ക്യാമ്പ് അസിസ്റ്റന്റിന്റെ നിലവിലുള്ള ഒരു ഒഴിവിലേക്ക് അഭിമുഖം നടത്തുന്നു. അംഗീകൃത സർവകലാശാലയിൽ നിന്നും കരസ്ഥമാക്കിയ ഡിഗ്രി/ 3 വർഷ ഡിപ്ലോമ, കമ്പ്യൂട്ടർ പരിജ്ഞാനം എന്നിവയാണ് യോഗ്യതകൾ. 15.05.2026 നു 18 വയസിനും 45 വയസിനും മധ്യേ പ്രായപരിധിയുള്ള ഉദ്യോഗാർഥികൾ തങ്ങളുടെ ബയോഡാറ്റ, യോഗ്യത തെളിയിക്കുന്ന രേഖകൾ, ഫോൺ നമ്പർ, ഇമെയിൽ ഐഡി സഹിതം 15 ന് മുൻപായി ktu.cvcamp@gecbh.ac.in എന്ന മെയിൽ ഐഡിയിലേക്ക് അയച്ചു നൽകണം. കൂടുതൽ വിവരങ്ങൾക്ക്: https://www.gecbh.ac.in.