ശബരിമല: സന്നിധാനത്ത് പാണ്ടിത്താവളങ്ങളിൽ ഹൈക്കോടതി ഉത്തരവ് ലംഘിച്ച് പുകയില ഉൽപ്പന്നങ്ങൾ വിൽപ്പന നടത്തിവന്നിരുന്ന ആലപ്പുഴ അയ്യപ്പൻചേരി സൗമാഭവനിൽ ഭാസ്‌ക്കരൻ മകൻ സുധാകരൻ(55)ആണ് സന്നിധാനം പോലീസ് സബ് ഇൻസ്പെക്ടർ ടി.ഡി. പ്രജീഷിന്റെ നേതൃത്വത്തിൽ നടന്ന റെയ്ഡിൽ പിടികൂടിയത്.

ഇയാളിൽ നിന്ന് പതിനായിരം രൂപയോളം വിലവരുന്ന പുകയില ഉൽപ്പന്നങ്ങൾ പിടികൂടി. സന്നിധാനം പോലീസ് കേസെടുത്തു. റെയ്ഡിൽ സന്നിധാനം പോലീസ് സ്റ്റേഷനിലെ ഉദ്യോഗസ്ഥരായ എ.എസ്.ഐ. രവീന്ദ്രൻനായർ, സി.പി.ഒമാരായ ശ്യാം, ഹരികൃഷ്ണൻ, ഷാഡോ പോലീസ് ഉദ്യോഗസ്ഥരായ സുജിത്ത് എന്നിവർ പങ്കെടുത്തു.