പറവൂർ: ഭവന രഹിതരെ പുനരധിവസിപ്പിക്കുന്നതിനായി സഹകരണ മേഖല 2000 ഫ്ലാറ്റുകൾ നിർമ്മിച്ചു നൽകുന്ന കാര്യം സജീവ പരിഗണനയിലാണെന്ന് സഹകരണ വകുപ്പ് മന്ത്രി കടകംപള്ളി സുരേന്ദ്രൻ. പറവൂർ സഹകരണ ബാങ്കിന്റെ മെയിൻ റോഡ് ബ്രാഞ്ചിന്റെയും, ഗൃഹോപകരണ സൂപ്പർ മാർക്കറ്റിന്റെയും ഉദ്ഘാടനം നിർവ്വഹിച്ച് സംസാരിക്കുകയായിരുന്നു മന്ത്രി. വിലവർദ്ധനവിന്റെ കാലത്ത് സഹകരണ മേഖലയിൽ ആരംഭിക്കുന്ന ഇതുപോലുള്ള സൂപ്പർ മാർക്കറ്റുകൾ ജനങ്ങൾക്ക് അല്പമെങ്കിലും ആശ്വാസം പകരുമെന്നും മന്ത്രി പറഞ്ഞു.

ബാങ്കിന്റെ മുൻ പ്രസിഡന്റ് അഡ്വ: വി.എ അനിലിന്റെ സ്മാരകമായി ആരംഭിച്ച ലൈബ്രറിയുടെ ഉദ്ഘാടനം വി.ഡി.സതീശൻ എം എൽ എ.യും പ്രളയ ബാധിതർക്ക് ബാങ്ക് നിർമ്മിച്ചു നൽകിയ വീടുകളുടെ താക്കോൽദാനം എസ്.ശർമ്മ എം.എൽ.എ യും നിർവ്വഹിച്ചു. ലോക്കർ ഉദ്ഘാടനം മുൻ എം.എൽ.എ പി. രാജു, ധനശ്രീ വായ്പ വിതരണം നഗരസഭ ചെയർമാൻ രമേഷ് ഡി കുറുപ്പ്, സൗജന്യ വൈ-ഫൈ ജില്ലാ ബാങ്ക് മുൻ ഡയറക്ടർ ആർ ബോസ്, ലൈബ്രറി അംഗത്വ വിതരണം പൊക്കാളി നിലവികസന വൈ.ചെയർമാൻ കെ എം ദിനകരൻ എന്നിവർ നിർവ്വഹിച്ചു.

ബാങ്ക് പ്രസിഡന്റ് ഇ.പി ശശിധരൻ അധ്യക്ഷനായിരുന്നു. ഭരണ സമിതി അംഗങ്ങളായ ടി.വി നിഥിൻ, കെ. രാമചന്ദ്രൻ , കൗൺസിലർമാരായ കെ.എ വിദ്യാനന്ദൻ, പ്രസന്നകുമാർ, പ്രദീപ് തോപ്പിൽ, എസ്. ശ്രീകുമാരി, ബാങ്ക് പ്രസിഡന്റുമാരായ എ.ബി മനോജ്, എം.ജെ രാജു, പി.പി അജിത്കുമാർ, ടി.എസ് പുഷ്ക്കല, ടി.എസ് രാജൻ, വി.എസ് ബാബു, എ.ഡി ദിലീപ്, കെ.ബി ജയപ്രകാശ്, ടി.എസ് ബേബി, വി.ബി വിനോദ്കുമാർ, കെ.വി പ്രഭല, ടി.ആർ സുനിൽ, സി.എ രാജീവ്, കെ.എൻ ജോഷി എന്നിവർ സംസാരിച്ചു.

ക്യാപ്ഷൻ: പറവൂർ സഹകരണ ബാങ്കിന്റെ മെയിൻ റോഡ് ബ്രാഞ്ചിന്റെയും, ഗൃഹോപകരണ സൂപ്പർ മാർക്കറ്റിന്റെയും ഉദ്ഘാടനം മന്ത്രി കടകംപള്ളി സുരേന്ദ്രൻ നിർവ്വഹിക്കുന്നു