കോട്ടയം ജില്ലയിലെ മികച്ച യൂത്ത് ക്ലബ്ബുകൾക്ക് നെഹ്‌റുയുവകേന്ദ്ര നല്‍കുന്ന അവാര്‍ഡിന് അപേക്ഷിക്കുന്നതിനുള്ള സമയപരിധി നവംബർ 16 വരെ ദീർഘിപ്പിച്ചു. 25000 രൂപയും പ്രശസ്തി പത്രവും അടങ്ങുന്നതാണ് അവാര്‍ഡ്.

കല, കായികം,ആരോഗ്യം,വിദ്യാഭ്യാസം, തൊഴില്‍, സാമൂഹ്യക്ഷേമം എന്നീ മേഖലകളില്‍ 2019 ഏപ്രില്‍ മുതല്‍ 2020 മാര്‍ച്ച് വരെ നടത്തിയ പ്രവര്‍ത്തനങ്ങളുടെ രേഖകള്‍ സഹിതം നിശ്ചിത ഫോറത്തിൽ അപേക്ഷ നല്‍കണം.

അപേക്ഷാഫോറവും  കൂടുതല്‍ വിവരങ്ങളും ബ്ലോക്ക്തല വോളണ്ടിയര്‍മാര്‍, ജില്ലാ യൂത്ത് കോ-ഓര്‍ഡിനേറ്റര്‍ എന്നിവരില്‍നിന്ന്  ലഭിക്കും.ഫോണ്‍ : 0481-2565335, 8547628819