എറണാകുളം : തദ്ദേശ സ്വയം ഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന്റെ രണ്ടാം ദിനം നാമനിർദേശ പത്രിക സമർപ്പിച്ചത് 9 സ്ഥാനാർഥികൾ. ആകെ 12 നാമ നിർദേശ പത്രികകൾ ആണ് രണ്ടാം ദിനം സമർപ്പിച്ചത്. നോർത്ത് പറവൂർ നഗര സഭയിൽ രണ്ട് സ്ഥാനാർഥികൾ നാമ നിർദേശ പത്രിക സമർപ്പിച്ചു. നാല് നാമ നിർദേശ പത്രികയാണ് ഇവിടെ സമർപ്പിക്കപ്പെട്ടത്. എടത്തല ഗ്രാമപഞ്ചായത്തിൽ മൂന്നു സ്ഥാനാർഥികൾ നാമ നിർദേശപത്രിക സമർപ്പിച്ചു. നാല് പത്രികകൾ ആണ് ഇവിടെ സമർപ്പിച്ചത്. കല്ലൂർകാട്, കുന്നുകര, ആമ്പല്ലൂർ, മുളന്തുരുത്തി എന്നി ഗ്രാമ പഞ്ചായത്തുകളിൽ ഓരോ സ്ഥാനാർഥികൾ നാമനിർദേശ പത്രിക സമർപ്പിച്ചു.