കാസര്‍ഗോഡ്: പ്രധാനമന്ത്രി മത്സ്യസമ്പാദയോജന പദ്ധതിയുടെ കീഴില്‍ സംസ്ഥാന ഫിഷറീസ് വകുപ്പ് ആവിഷ്‌ക്കരിച്ച് നടപ്പിലാക്കുന്ന സാഗര്‍മിത്ര പദ്ധതിയുടെ ഭാഗമാകാന്‍ അവസരം. പദ്ധതിയില്‍ മഞ്ചേശ്വരം, കുമ്പള മത്സ്യഗ്രാമങ്ങളില്‍ സാഗരമിത്രകളെ തിരഞ്ഞെടുക്കുന്നു. അഭിമുഖം ജനുവരി 12 ന് രാവിലെ 11 ന് കാഞ്ഞങ്ങാട് ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തില്‍ നടക്കും. ഫിഷറീസ് സയന്‍സ്, മറൈന്‍ ബയോളജി, സുവോളജി എന്നിവയിലേതിലെങ്കിലും ബിരുദം നേടിയവര്‍ക്ക് ആഭിമുഖത്തില്‍ പങ്കെടുക്കാം.
അപേക്ഷകര്‍ പ്രാദേശിക ഭാഷകളില്‍ ഫലപ്രദമായി ആശയവിനിമയം നടത്താന്‍ പ്രാഗല്‍ഭ്യമുളള, കമ്പ്യൂട്ടര്‍ സാങ്കേതിക വിദ്യയില്‍പരിജ്ഞാനമുള്ളവരായിരിക്കണം. 35 വയസ്സില്‍ താഴെ പ്രായമുളളവരും മത്സ്യഗ്രാമം സ്ഥിതി ചെയ്യുന്ന പ്രദേശത്തോ സമീപ പ്രദേശങ്ങളിലോ താമസിക്കുന്നവരും ആയിരിക്കണം. ഫോണ്‍ : 04672202537