കാസര്‍കോട് :ജില്ലയില്‍ മൃഗസംരക്ഷണ വകുപ്പിന് കീഴില്‍ മഞ്ചേശ്വരം, കാസര്‍കോട്, കാഞ്ഞങ്ങാട്, നീലേശ്വരം, പരപ്പ എന്നീ അഞ്ച് ബ്ലോക്കുകളില്‍ കന്നുകാലി കര്‍ഷകര്‍ക്ക് വൈകീട്ട് ആറു മണി  മുതല്‍ രാവിലെ ആറു മണി വരെ  രാത്രികാല മൃഗചികിത്സ സേവനം നല്‍കുന്നതിന് ഓരോ ബ്ലോക്കിലും ഓരോ വെറ്ററിനറി  ഡോക്ടറെ  താല്‍ക്കാലികാടിസ്ഥാനത്തില്‍ 179 ദിവസത്തേക്ക് നിയമിക്കുന്നു.  വെറ്ററിനറി സയന്‍സില്‍ ബിരുദവും വെറ്ററിനറി കൗണ്‍സില്‍ രജിസ്‌ട്രേഷനുമാണ് യോഗ്യത.  വിരമിച്ചവര്‍ക്കും അപേക്ഷിക്കാം.  ബ്ലോക്കിന്റെ പരിധിയിലുളളവര്‍ക്ക് മുന്‍ഗണന. പ്രതിമാസം  39,500 രൂപ പ്രതിഫലം.  താല്‍പ്പര്യമുളളവര്‍ ജില്ലാ മൃഗസംരക്ഷണ ഓഫീസ്, ക്ലോക്ക് ടവറിന് സമീപം, തായലങ്ങാടിയില്‍  ഈ മാസം 15 ന് രാവിലെ  11 ന്  നടക്കുന്ന  കൂടിക്കാഴ്ചയില്‍ യോഗ്യത തെൡിക്കുന്ന രേഖകള്‍ സഹിതം  പങ്കെടുക്കണമെന്ന്  ജില്ലാ മൃഗസംരക്ഷണ ഓഫീസര്‍ അറിയിച്ചു. ഫോണ്‍ 04994 225483.