സൂക്ഷ്മ ചെറുകിട ഇടത്തരം വ്യവസായ മേഖലയുമായി ബന്ധപ്പെട്ട് വ്യവസായ വകുപ്പ് മന്ത്രി എ.സിമൊയ്തീൻ ഒരു അദാലത്ത് നടത്തുന്നു. സംരംഭകർക്ക് വിവിധ സർക്കാർ വകുപ്പുകൾ, അനുബന്ധഏജൻസികളായ SIDCO, KSIDC, KINFRA വിവിധ ധനകാര്യസ്ഥാപനങ്ങൾ, കെ.എഫ്.സി തുടങ്ങിയസ്ഥാപനങ്ങളുമായി ബന്ധപ്പെട്ട വിഷയങ്ങൾ സമർപ്പിക്കാം. ജില്ലാ വ്യവസായ കേന്ദ്രങ്ങൾ വഴിയും www.industry.kerala.gov.in ൽ Minister’s Adalath എന്ന ലിങ്കിലൂടെ ഓൺലൈനായും നേരിട്ടും പരാതികൾ നൽകാമെന്നുംഈ മാസം 14 വരെ പരാതികൾ സ്വീകരിക്കുമെന്നും വ്യവസായ വാണിജ്യ അഡീഷണൽ ഡയറക്ടർ കെ. എസ്.പ്രദീപ് കുമാർ അറിയിച്ചു. കൂടുതൽ വിവരങ്ങൾക്ക് അടുത്തുള്ള താലൂക്ക് വ്യവസായ ഓഫീസുകളിലോ ജില്ലാവ്യവസായ കേന്ദ്രങ്ങളിലോ ബന്ധപ്പെടാവുന്നതാണ്.