മലപ്പുറം: ദേശീയ അംഗീകരം നേടി നിലമ്പൂര് മുമ്മുളളി നഗരാരോഗ്യ കേന്ദ്രം. 86.7ശതമാനം മാര്ക്ക് നേടി ജില്ലയിലെ നിലമ്പൂര് മുമ്മുള്ളി നഗര കുടുംബാരോഗ്യ കേന്ദ്രം എന്.ക്യു.എ.എസ് അംഗീകാരം നേടി. വിവിധ നഗരസഭകളിലായി 13 നഗരാരോഗ്യ കേന്ദ്രങ്ങളാണ് ജില്ലയിലുള്ളത.് ദേശീയ അംഗീകാരം ലഭിക്കുന്ന ജില്ലയിലെ ആദ്യ നഗര കുടുംബാരോഗ്യ കേന്ദ്രം കൂടിയാണ് മുമ്മുള്ളി.
2018 ലെ പ്രളയത്തില് 90 ശതമാനവും വെള്ളം കയറിയ സ്ഥാപനത്തെ സര്ക്കാര് കുടുംബാരോഗ്യ കേന്ദ്രമായി ഉയര്ത്തുന്നതിനായി തെരഞ്ഞെടുക്കുകയും പ്രവര്ത്തനങ്ങള് ആരംഭിക്കുകയും സമയബന്ധിതമായി പ്രവൃത്തികള് പൂര്ത്തീകരിക്കുകയും ചെയ്തു. ഒ.പി. വിഭാഗം, ലബോറട്ടറി, ഫാര്മസി, പൊതുജനാരോഗ്യവിഭാഗം എന്നിവയുടെ പ്രവര്ത്തനം, ദേശീയ ആരോഗ്യ പദ്ധതികളുടെ നടത്തിപ്പ്, പകര്ച്ചവ്യാധി പ്രതിരോധപ്രവര്ത്തനം, മാതൃശിശു ആരോഗ്യം, ജീവിതശൈലി രോഗ നിയന്ത്രണം, പ്രതിരോധ കുത്തിവെയ്പ്പ്, ജീവനക്കാരുടെ സേവനം, രോഗികളുടെയും ജീവനക്കാരുടെയും അഭിപ്രായങ്ങള് അനുസരിച്ചുള്ള മികച്ച സേവനം, ഓഫീസ് നിര്വഹണം എന്നീ വിഭാഗങ്ങളുടെ മികച്ച പ്രവര്ത്തനമാണ് അംഗീകാരത്തിന് കാരണമായത്.
അടിസ്ഥാന സൗകര്യങ്ങള് വികസിപ്പിക്കുന്നതിനും ഗുണനിലവാര മാനദണ്ഡങ്ങള് പാലിക്കാനും എന്.എച്ച്.എമ്മിന്റെയും നഗരസഭയുടെയും ഫണ്ടുകളാണ് നഗര കുടുംബാരോഗ്യ കേന്ദ്രം വിനിയോഗിച്ചിട്ടുള്ളത്. ജില്ലാ മെഡിക്കല് ഓഫീസര് ഡോ. കെ. സക്കീന, എന്.എച്ച്.എം ജില്ലാ പ്രോഗ്രാം മാനേജര് ഡോ.എ. ഷിബുലാല്, എന്.യു.എച്ച്.എം ടീം ജില്ലാ ക്വളിറ്റി യൂനിറ്റ്് എന്നിവരുടെ നേതൃത്വത്തിലുള്ള ആശുപത്രി ജീവനക്കാരുടെയും പിആര്ഒയുടേയും ആരോഗ്യപ്രവര്ത്തകരുടെയും കൂട്ടായ പ്രവര്ത്തനം ഈ ആശുപത്രിക്ക് എന്.ക്യു.എ.എസ് അംഗീകാരം നേടിയെടുക്കാന് സഹായകമായി.