സാങ്കേതിക പരീക്ഷാ കൺട്രോളർ നടത്തുന്ന ത്രിവൽസര ഡിപ്ലോമ (5, 6 സെമസ്റ്റർ- നവംബർ 2020) പരീക്ഷയുടെ രജിസ്‌ട്രേഷൻ ആരംഭിച്ചു. റഗുലർ/സപ്ലിമെന്ററി വിദ്യാർത്ഥികൾക്ക് ഓൺലൈനായി www.sbte.kerala.gov.in ൽ രജിസ്റ്റർ ചെയ്യാം. പോർട്ടലിൽ പ്രൊഫൈൽ പൂർത്തീകരിച്ച റഗുലർ വിദ്യാർത്ഥികൾക്ക് ലോഗിനിൽ നിന്നും നേരിട്ട് രജിസ്റ്റർ ചെയ്യാം. സപ്ലിമെന്ററി വിദ്യാർത്ഥികൾ പ്രൊഫൈൽ പൂർത്തീകരിച്ച് പരീക്ഷ രജിസ്‌ട്രേഷൻ നടത്തണം. രജിസ്‌ട്രേഷൻ പൂർത്തീകരിച്ച വിദ്യാർത്ഥികൾ അപേക്ഷാഫോമിന്റെ പകർപ്പ് സ്ഥാപനത്തിൽ നൽകേണ്ടതില്ല. പിഴയില്ലാതെ മാർച്ച് 15വരെയും പിഴയോടുകൂടി മാർച്ച് 18 വരെയും രജിസ്‌ട്രേഷൻ ചെയ്യാം. ഫോൺ: 0471-2775440/2775443.