സര്‍ക്കാര്‍ സ്ഥാപനമായ ഐ.എച്ച്.ആര്‍.ഡിയുടെ കീഴില്‍ പ്രവര്‍ത്തിക്കുന്ന വടകര, മാള, മറ്റക്കര, കല്യാശ്ശേരി, പൈനാവ്, കരുനാഗപ്പള്ളി, പൂഞ്ഞാര്‍, കുഴല്‍മന്നം എന്നീ എട്ട് പോളിടെക്‌നിക് കോളേജുകളില്‍ 2018-19 അധ്യയനവര്‍ഷത്തില്‍ ത്രിവത്സര എഞ്ചിനീയറിംഗ് ഡിപ്ലോമ കോഴ്‌സുകളുടെ പ്രവേശനത്തിനായി ഓണ്‍ലൈന്‍ അപേക്ഷ ക്ഷണിച്ചു. ജൂണ്‍ നാലിന് വൈകിട്ട് അഞ്ച് വരെ www.ihrdmptc.org എന്ന അഡ്മിഷന്‍ പോര്‍ട്ടല്‍ വഴി അപേക്ഷകള്‍ സമര്‍പ്പിക്കാം. ഓണ്‍ലൈനായി സമര്‍പ്പിച്ച അപേക്ഷയുടെ പ്രിന്റ് ഔട്ട്, ആവശ്യമായ രേഖകളും രജിസ്‌ട്രേഷന്‍ ഫീസായ 200 രൂപയുടെ ഡി.ഡി.യും സഹിതം (എസ്.സി, എസ്.റ്റിക്കാര്‍ക്ക് 100 രൂപ) ജൂണ്‍ ഏഴിന് വൈകിട്ട് നാല് മണിക്ക് മുമ്പ് പ്രവേശനം ആഗ്രഹിക്കുന്ന കോളേജ് പ്രിന്‍സിപ്പലിന് നല്‍കണം. പ്രവേശന യോഗ്യതയും പ്രോസ്‌പെക്ടസും മറ്റ് വിശദവിവരങ്ങളും അഡ്മിഷന്‍ പോര്‍ട്ടലില്‍ ലഭിക്കും.