ജില്ലയിൽ ആകെ പത്രിക നൽകിയത് 77 പേർ

ആലപ്പുഴ: നിയമസഭ തെരഞ്ഞെടുപ്പിന് നാമനിർദ്ദേശ പത്രിക സമർപ്പിക്കാനുള്ള അവസാന ദിനമായ ഇന്നലെ(മാർച്ച് 19) ജില്ലയിൽ 33 പേർ പത്രിക നൽകി. ജില്ലയിൽ ഒമ്പതു നിയമസഭ മണ്ഡലങ്ങളിലായി ഇന്നലെ വരെ മൊത്തം 77 പേരാണ് നാമനിർദ്ദേശ പത്രിക സമർപ്പിച്ചത്.

ഇന്നലെ(മാർച്ച് 19 വെള്ളിയാഴ്ച) അരൂരിൽ ഷാനിമോൾ (ഇന്ത്യൻ നാഷണൽ കോൺഗ്രസ്), രാജീവൻ (ബഹുജൻ ദ്രാവിഡ പാർട്ടി), രുഗ്മ പ്രദീപ് (ബി.എസ്.പി.), ചന്ദ്രൻ (സ്വതന്ത്രൻ), മണിലാൽ(സ്വതന്ത്രൻ) എന്നിവരും ചേർത്തലയിൽ എസ്. ശരത്(ഇന്ത്യൻ നാഷണൽ കോൺഗ്രസ്), ജയകുമാർ (ബി.എസ്.പി.), കാർത്തികേയൻ (ബഹുജൻ ദ്രാവിഡ പാർട്ടി), ശിവപ്രസാദ് എൻ.എസ്.(സി.പി.ഐ.), ശശികുമാരൻ നായർ(ഇന്ത്യൻ നാഷണൽ കോൺഗ്രസ്), ഷാജഹാൻ പി.എ. (സ്വതന്ത്രൻ) എന്നിവരും പത്രിക സമർപ്പിച്ചു.

ആലപ്പുഴയിൽ ഡോ. കെ.എസ്. മനോജ് (ഇന്ത്യൻ നാഷണൽ കോൺഗ്രസ്), സന്ദീപ് ആർ. (ബി.ജെ.പി.), ഷൈലേന്ദ്രൻ(ബഹുജൻ ദ്രാവിഡ പാർട്ടി), സുബീന്ദ്രൻ കെ.സി.(സ്വതന്ത്രൻ) എന്നിവരും അമ്പലപ്പുഴയിൽ സുഭദ്രാമണി (വെൽഫെയർ പാർട്ടി ഓഫ് ഇന്ത്യ)യും ഹരിപ്പാട്ട് നിയാസ് സയീമും(സ്വതന്ത്രൻ) പത്രിക നൽകി.

മാവേലിക്കരയിൽ ജയശ്രീ ജെ.(ബി.ജെ.പി.), സുരേഷ് ഡി.(അംബേദ്കറൈറ്റ് പാർട്ടി ഓഫ് ഇന്ത്യ), വിശ്വനാഥൻ(സി.പി.ഐ.എം.) എന്നിവരും കുട്ടനാട്ടിൽ ജേക്കബ് എബ്രഹാം (കേരള കോൺഗ്രസ്), ജയ പ്രദീപ് എം.എൻ.(ബി.ഡി.ജെ.എസ്.), എൻ. സന്തോഷ് കുമാർ(എൻ.സി.പി.) എന്നിവരും ചെങ്ങന്നൂരിൽ സജു (ബി.ജെ.പി.), പൗലോസ്(സ്വതന്ത്രൻ), പി. വിശ്വംഭരപ്പണിക്കർ (എൽ.ഡി.എഫ്.), ഷാജി റ്റി. ജോർജ് (ബി.എസ്.പി.) എന്നിവരും നാമനിർദ്ദേശ പത്രിക നൽകി.

കായംകുളത്ത് പ്രദീപ്‌ലാൽ(ബി.ഡി.ജെ.എസ്.), ബാബുജാൻ(സി.പി.ഐ.എം), രാജശേഖരൻ(സി.പി.ഐ. എം.എൽ. ലിബറേഷൻ കേരള), സത്യനാരായണൻ എസ്(സ്വതന്ത്രൻ), വിഷ്ണു പ്രസാദ് (ബി.ഡി.ജെ.എസ്), മണിയപ്പൻ ആചാരി(സ്വതന്ത്രൻ) എന്നിവരും പത്രിക നൽകി.

അരൂർ മണ്ഡലം- 12 പേർ, ചേർത്തല-9 പേർ, ആലപ്പുഴ- 7 പേർ, അമ്പലപ്പുഴ-7 പേർ, കുട്ടനാട്- 6 പേർ, ഹരിപ്പാട്-6 പേർ, മാവേലിക്കര- 9 പേർ, ചെങ്ങന്നൂർ-9 പേർ, കായംകുളം-12 പേർ എന്നിങ്ങനെയാണ് മണ്ഡലം തിരിച്ച് നാമനിർദ്ദേശ പത്രിക സമർപ്പിച്ചവരുടെ മൊത്തം കണക്ക്. ഇന്നാണ്(മാർച്ച് 20) സൂക്ഷ്മപരിശോധന. മാർച്ച് 22 വരെ നാമനിർദ്ദേശപത്രിക പിൻവലിക്കാം.