കോവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായുള്ള വാക്സിന്‍ വിതരണം ജില്ലയില്‍ ഊര്‍ജ്ജിതം. മെയ് 22 വരെയുള്ള കണക്ക് പ്രകാരം ജില്ലയില്‍ 2,90,106 ആളുകള്‍ വാക്സിന്‍ സ്വീകരിച്ചിട്ടുണ്ട്.
ഇടുക്കി ജില്ലയിലെ ആകെ ജനസംഖ്യ 10,79,090. ഇതില്‍ 3,11,230 പേര്‍ 45 വയസ്സിന് മുകളില്‍ പ്രായമുള്ളവരും 4,76,447 ആളുകള്‍ 18 വയസിനും 45 വയസിനും ഇടയില്‍ പ്രായം ഉള്ളവരുമാണ്. 45 വയസിന് മുകളില്‍ പ്രായമുള്ളളവരില്‍ 2,89,311 പേര്‍ ഇതിനോടകം വാക്സിന്‍ സ്വീകരിച്ചിട്ടുണ്ട്. ഇതില്‍ 2,29,140 ആളുകള്‍ ആദ്യ ഡോസ് വാക്സിനും 60,171 പേര്‍ രണ്ടാം ഡോസ് വാക്സിനും സ്വീകരിച്ചിട്ടുണ്ട്. 45 വയസ്സിനു താഴെ പ്രായമുള്ളവരില്‍ 1634 വാക്സിന്‍ സ്വീകരിക്കുന്നതിനായി രജിസ്റ്റര്‍ ചെയ്തിട്ടുണ്ട്. ഈ വിഭാഗത്തില്‍ 795 ആളുകള്‍ ഇതിനോടകം വാക്സിന്‍ സ്വീകരിച്ചിട്ടുണ്ട്.

#COVID19
#idukki