കാസര്‍കോട്: ജില്ലാ കുവൈറ്റ് എക്‌സ്പാറ്റ്‌റിയേറ്റ്‌സ് അസ്സോസിയേഷന്‍ ജില്ലാ പഞ്ചായത്തുമായി സഹകരിച്ചുകൊണ്ടു ജില്ലയ്ക്കായി 25 ഓക്‌സിജന്‍ സിലിണ്ടറുകള്‍ നല്‍കി. കാഞ്ഞങ്ങാട് ജില്ലാ മെഡിക്കല്‍ ഓഫീസില്‍ നടന്ന ചടങ്ങില്‍ ഇ. ചന്ദ്രശേഖരന്‍ എം എല്‍ എ ഓക്‌സിജന്‍ സിലിണ്ടറുകള്‍ ജില്ലാ മെഡിക്കല്‍ ഓഫീസര്‍ ഡോ കെ ആര്‍.രാജന് കൈമാറി .
ജില്ലാ പഞ്ചായത്ത് വൈസ് പ്രസിഡന്റ് ഷാനവാസ് പാദൂര്‍, ഡെപ്യൂട്ടി ജില്ലാ മെഡിക്കല്‍ ഓഫീസര്‍ ഡോ മനോജ് എ. ടി , കാഞ്ഞങ്ങാട് ജില്ലാശുപത്രി സുപ്രണ്ട് ഡോ പ്രകാശ് കെ വി , ജില്ലാ എജ്യൂക്കേഷന്‍ ആന്റ് മീഡിയ ഓഫീസര്‍ അബ്ദുള്‍ ലത്തീഫ് മഠത്തില്‍, കെ എം സി എല്‍ മാനേജര്‍ രാജഗോപാലന്‍, ജില്ലാ കുവൈറ്റ് എക്‌സ്പാറ്റ്‌റിയേറ്റ്‌സ് അസ്സോസിയേഷന്‍ വൈസ് പ്രസിഡന്റ് പി. എ നാസര്‍, അഡ്വൈസറി ബോര്‍ഡ് അംഗം സലാം കളനാട്, പ്രവര്‍ത്തകരായ ഹമീദ്, സാജു പള്ളുരുത്തി, അഷ്‌റഫ് എന്നിവര്‍ ചടങ്ങില്‍ സംബന്ധിച്ചു.