കൊല്ലം: കോവിഡ് മാനദണ്ഡലംഘനങ്ങള്‍ കണ്ടെത്തുന്നതിന് ജില്ലാ കലക്ടര്‍ ബി. അബ്ദുല്‍ നാസറിന്റെ നിര്‍ദ്ദേശപ്രകാരം നടത്തുന്ന താലൂക്ക്തല സ്‌ക്വാഡ് പരിശോധനകളില്‍ 35 സ്ഥാപനങ്ങള്‍ക്ക് പിഴ ചുമത്തി. കരുനാഗപ്പള്ളി, കൊട്ടാരക്കര താലൂക്കുകളിലാണ് കൂടുതല്‍ കേസുകള്‍. കരുനാഗപ്പള്ളിയിയിലെ ആലപ്പാട്,ചവറ, ക്ലാപ്പന, കെ.എസ്.പുരം, തെക്കുംഭാഗം, തേവലക്കര, തൊടിയൂര്‍ എന്നിവിടങ്ങളില്‍ സെക്ടറല്‍ മജിസ്‌ട്രേറ്റുമാരുടെ നേതൃത്വത്തില്‍ നടത്തിയ പരിശോധനയില്‍ 18 കേസുകളില്‍ പിഴ ചുമത്തുകയും 81 എണ്ണത്തിന് താക്കീത് നല്‍കുകയും ചെയ്തു.
കൊട്ടാരക്കര, ചടയമംഗലം, ചിതറ, ഇളമാട്, എഴുകോണ്‍, ഇട്ടിവ, കടയ്ക്കല്‍, കരീപ്ര, നിലമേല്‍, മേലില, ഉമ്മന്നൂര്‍ പ്രദേശങ്ങളില്‍ നടത്തിയ പരിശോധനയില്‍ 14 സ്ഥാപനങ്ങള്‍ക്ക് പിഴ ചുമത്തി. 94 കേസുകള്‍ക്ക് താക്കീത് നല്‍കി. സെക്ടറല്‍ മജിസ്‌ട്രേറ്റുമാരുടെ നേതൃത്വത്തിലായിരുന്നു പരിശോധന.
കുന്നത്തൂരിലെ വിവിധ മേഖലകളില്‍ നടത്തിയ പരിശോധനയില്‍ മൂന്നു സ്ഥാപനങ്ങള്‍ക്ക് പിഴ ചുമത്തി. 32 കേസുകള്‍ക്ക് താക്കീത് നല്‍കി.
പട്ടാഴി വടക്കേക്കര, പട്ടാഴി, പത്തനാപുരം ടൗണ്‍ ഭാഗങ്ങളില്‍ ഡെപ്യൂട്ടി തഹസീല്‍ദാര്‍ ഷിലിന്റെ നേതൃത്വത്തില്‍ പരിശോധന നടത്തി. ഒന്‍പതു കേസുകള്‍ക്ക് താക്കീത് നല്‍കി.