കാസര്ഗോഡ്: ജില്ലയിലെ ആദ്യ വനിതാ കളക്ടറായ ഭണ്ഡാരി സ്വാഗത് റണ്വീര് ചന്ദ് 24-ാമത്തെ കളക്ടറായാണ് ചുമതലയേറ്റത്. 2010 ഐ എഎസ് ബാച്ചിലെ 69ാം റാങ്ക് കാരിയാണ് . മിഷിഗണ് യൂണിവേഴ്സിറ്റി സ്റ്റീഫന് എം റോസ് സ്കൂള് ഓഫ് ബിസിനസില് നിന്നും ബിസ്നസ് അഡ്മിനിസ്ട്രേഷനില് മാസ്റ്റര് ബിരുദവും ഇന്ദിരാഗാന്ധി നാഷണല് ഓപ്പണ് യൂനിവേഴ്സിറ്റിയില് നിന്ന് പബ്ലിക് പോളിസിയില് മാസ്റ്റര് ബിരുദവും മുംബൈ യൂണിവേഴ്സിറ്റിയില് നിന്ന് ഇലക്ട്രോണിക്സ് എന്ജിനീയറിങില് ബിരുദവും നേടിയിട്ടുണ്ട്.
നിലവില് സംസ്ഥാന വ്യവസായ വാണിജ്യ വകുപ്പ് ഡയറക്ടര് പദവിയില് നിന്നാണ് ജില്ലയിലേക്ക് എത്തുന്നത്. കേരള കോ ഓപ്പറേറ്റീവ് മില്ക്ക് മാര്ക്കറ്റിങ് ഫെഡറേഷന് ലിമിറ്റഡ് മാനേജിങ് ഡയറക്ടര്, ആസൂത്രണ സാമ്പത്തികകാര്യ വകുപ്പ് ഡെപ്യൂട്ടി സെക്രട്ടറി, പട്ടിക വര്ഗ വകുപ്പ് ഡയറക്ടര്, ലോട്ടറി വകുപ്പ് ഡയറക്ടര്, ഫോര്ട്ട് കൊച്ചി സബ്കളക്ടര് എന്നീ ചുമതലകള് നിര്വ്വഹിച്ചിട്ടുണ്ട്.
പരേതനായ റണ്വീര് ചന്ദ് ഭണ്ഡാരിയുടെയും സുഷമ ഭണ്ഡാരിയുടെയും മകളാണ്. ഭര്ത്താവ്: തിരുവനന്തപുരം ശ്രീചിത്ര ഇന്സ്റ്റിറ്റ്യൂട്ട് ഓഫ് മെഡിക്കല് സയന്സ് ആന്ഡ് ടെക്നോളജിയിലെ ന്യൂറല് എന്ജിനീയര് നികുഞ്ച് ഭഗത്. മക്കള്: വിഹാന്, മിറാള്.