മലപ്പുറം:   അനര്‍ഹമായി മുന്‍ഗണനാ റേഷന്‍കാര്‍ഡ് കൈവശം വച്ചിട്ടുള്ളവര്‍ക്ക് പിഴയില്ലാതെയും മറ്റു ശിക്ഷാ നടപടികള്‍ ഇല്ലാതെയും കാര്‍ഡുകള്‍  പൊതു വിഭാഗത്തിലേക്ക് മാറ്റുന്നതിനുള്ള അവസരം  ഇന്ന് (ജൂലൈ 15) അവസാനിക്കുമെന്ന് ജില്ലാ സപ്ലൈ ഓഫീസര്‍ അറിയിച്ചു.

ജൂലൈ 15ന് ശേഷം പിഴ,  ശിക്ഷാ നടപടികള്‍ എന്നിവയില്‍ നിന്നും ഇളവു ലഭിക്കുന്നതല്ല. അനര്‍ഹമായി മുന്‍ഗണനാ കാര്‍ഡുകള്‍ കൈവശം വച്ചിട്ടുള്ളവര്‍ വിവരം അതത് താലൂക്ക് സപ്ലൈ ഓഫീസുകളില്‍  അറിയിച്ച് കാര്‍ഡ് പൊതു വിഭാഗത്തിലേക്ക് മാറ്റണം. താലൂക്ക് സപ്ലൈ ഓഫീസുകളില്‍ നേരിട്ടോ,ഫോണ്‍ വഴിയോ, താലൂക്ക് സപ്ലൈ ഓഫീസര്‍മാരുടേയോ, റേഷനിങ് ഇന്‍സ്‌പെക്ടര്‍മാരുടേയോ ഔദേ്യാഗിക ഫോണ്‍ നമ്പറിലോ നേരിട്ടോ ഇ മെയില്‍ വഴിയോ അറിയിക്കാം. ഫോണ്‍ നമ്പറുകള്‍   civilsupplieskerala.gov.in  ല്‍ ലഭിക്കും.

2021 ജൂണ്‍  ഒന്ന് മുതല്‍ ഇതുവരെ  1136 എ.എ.വൈ. കാര്‍ഡുകളും(മഞ്ഞ), 12205 മുന്‍ഗണനാ കാര്‍ഡുകളും (പിങ്ക്),  8495 പൊതുവിഭാഗം സബ്‌സിഡി(നീല) കാര്‍ഡുകളും ഉള്‍പ്പെടെ  21836 കാര്‍ഡുകള്‍ പൊതുവിഭാഗത്തിലേക്ക് മാറ്റിയിട്ടുണ്ട്. മുന്‍ഗണനാകാര്‍ഡുകള്‍ കൈവശം വച്ചിരിക്കുന്ന അനര്‍ഹരെ കണ്ടെത്തുന്നതിനായുള്ള റേഷന്‍കട അടിസ്ഥാനത്തിലുള്ള  പരിശോധന  ജൂലൈ 16  മുതല്‍ ഊര്‍ജിതമാക്കുമെന്നും ജില്ലാ സപ്ലൈ ഓഫീസര്‍ അറിയിച്ചു.

ഏറനാട് താലൂക്ക് സപ്ലൈ ഓഫീസ് 04832766230, tsoernad@gmail.com,   കൊണ്ടോട്ടി 0483 2713230 tsokondotty@gmail.com, നിലമ്പൂര്‍ 04931 220507, tsonilambur@gmail.com, പെരിന്തല്‍മണ്ണ 04933  227238, tsopmnaa@gmail.com, പൊന്നാനി 0494  2666019, taluksopni@gmail.com, തിരൂരങ്ങാടി 0494 2462917 tsotgdi@gmail.com, തിരൂര്‍ 0494 2422083 tirurtso@gmail.com