കാസർഗോഡ്: കാറഡുക്ക ബ്ലോക്ക് പഞ്ചായത്ത് പട്ടികജാതി വികസന ഓഫീസിന്റെ പരിധിയിൽ വരുന്ന പട്ടികജാതി വിഭാഗത്തിൽ പെടുന്ന വിദ്യാർഥികളിൽ നിന്നും പഠനമുറിക്ക് അപേക്ഷ ക്ഷണിച്ചു. സർക്കാർ, എയ്ഡഡ്, സ്‌പെഷ്യൽ സ്‌കൂളുകളിൽ 8, 9, 10, പ്ലസ്‌വൺ, പ്ലസ്ടു ക്ലാസുകളിൽ പഠിക്കുന്ന പട്ടികജാതി വിഭാഗത്തിൽപ്പെട്ട വിദ്യാർഥികളുടെ പഠന നിലവാരം മെച്ചപ്പെടുത്തുന്നതിനാണ് പദ്ധതി.

ഒരു ലക്ഷം വരെ കുടുംബ വാർഷിക വരുമാനമുള്ളതും, സംസ്ഥാന സിലബസിൽ പഠിക്കുന്നതും, 800 ചതുരശ്ര അടി വരെ വിസ്തീർണമുള്ളതുമായ വീടുകളിൽ താമസിക്കുന്ന വിദ്യാർഥികളുടെ രക്ഷിതാക്കൾക്ക് അപേക്ഷ നൽകാം. അപേക്ഷകൾ കാറഡുക്ക ബ്ലോക്ക് പട്ടികജാതി വികസന ആഫീസിൽ ലഭ്യമാണ്. അപേക്ഷ സ്വീകരിക്കുന്ന അവസാന തീയ്യതി ജൂലൈ 31.