മലപ്പുറം ജില്ലയില് 17,56,664 ഡോസ് കോവിഡ് പ്രതിരോധ വാക്സിന് വിതരണം ചെയ്തതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ഇതില് 12,24,874 പേര്ക്ക് ഒന്നാം ഡോസും 5,31,970 പേര്ക്ക് രണ്ടാം ഡോസ് വാക്സിനുമാണ് നല്കിയത്.
18 മുതല് 44 വയസ് വരെ പ്രായമുള്ള 3,55,817 പേര്ക്ക് ഒന്നാം ഡോസ് വാക്സിനും 86,465 പേര്ക്ക് രണ്ടാം ഡോസും നല്കി. 45 വയസിനു മുകളില് പ്രായമുള്ള 7,67,979 പേര്ക്ക് ആദ്യഘട്ട വാക്സിനും 3,82,039 പേര്ക്ക് രണ്ടാം ഘട്ട വാക്സിനുമാണ് നല്കിയിരിക്കുന്നത്. ആരോഗ്യ പ്രവര്ത്തകരില് 44,608 പേര്ക്ക് ഒന്നാം ഡോസും 30,715 പേര്ക്ക് രണ്ടാം ഡോസും നല്കിയിട്ടുണ്ട്. കോവിഡ് മുന്നണി പോരാളികളില് 22,923 പേര്ക്ക് ഒന്നാം ഡോസും 19,671 പേര്ക്ക് രണ്ടാം ഡോസും ലഭ്യമാക്കി. പോളിംഗ് ഉദ്യോഗസ്ഥരില് 33,547 പേര് ഇതുവരെ ഒന്നാം ഡോസും 12,900 പേര് രണ്ടാം ഡോസ് വാക്സിനും സ്വീകരിച്ചിട്ടുണ്ട്.