തിരുവനന്തപുരം പ്രവേശന പരീക്ഷാ കമ്മീഷണറുടെ കാര്യാലയത്തിൽ ഒഴിവുള്ള ടെക്‌നിക്കൽ അസിസ്റ്റന്റ്, അസിസ്റ്റന്റ് തസ്തികകളിൽ ഡെപ്യൂട്ടേഷൻ വ്യവസ്ഥയിൽ നിയമനം നടത്തുന്നതിന് അപേക്ഷ ക്ഷണിച്ചു. സംസ്ഥാന സർക്കാർ സർവീസിലോ, സ്വയംഭരണ സ്ഥാപനങ്ങളിലോ തത്തുല്യമായ തസ്തികകളിൽ ജോലി ചെയ്യുന്നവർക്ക് ഒഴിവുകളിൽ അപേക്ഷിക്കാം. പ്രവേശന പരീക്ഷാ കമ്മീഷണർ നേരിട്ട് കൂടിക്കാഴ്ച നടത്തിയശേഷം ഡെപ്യൂട്ടേഷൻ വ്യവസ്ഥയിൽ നിയമനം നൽകും.
ടെക്‌നിക്കൽ അസിസ്റ്റന്റ് തസ്തികയിൽ 55200-115300 ആണ് ശമ്പള സ്‌കെയിൽ. ഗവ.ഹൈസ്‌ക്കൂൾ ഹെഡ്മാസ്റ്റർ അല്ലെങ്കിൽ എ.ഇ.ഒ തത്തുല്യ വിഭാഗത്തിലുള്ളവർക്ക് ടെക്‌നിക്കൽ അസിസ്റ്റന്റ് തസ്തികയിൽ അപേക്ഷിക്കാം.
39300-83000 ആണ് അസിസ്റ്റന്റ് ശമ്പള സ്‌കെയിൽ. ക്ലറിക്കൽ/അസിസ്റ്റന്റ് വിഭാഗത്തിൽ ജോലി ചെയ്യുന്നവർക്ക് അസിസ്റ്റന്റ് ഒഴിവിലേക്ക് അപേക്ഷിക്കാം.
താത്പര്യമുള്ളവർ കെ.എസ്.ആർ 144 അനുസരിച്ചുള്ള പ്രൊഫോർമയും, ബയോഡേറ്റയും ഇപ്പോൾ ജോലിചെയ്യുന്ന സ്ഥാപനത്തിലെ മേലധികാരിയുടെ നോ ഒബ്ജക്ഷൻ സർട്ടിഫിക്കറ്റും ഉൾപ്പടെ മേലധികാരികൾ മുഖേന ആഗസ്റ്റ് 25ന് മുമ്പ് പ്രവേശന പരീക്ഷാ കമ്മീഷണറുടെ കാര്യാലയം, ഹൗസിംഗ് ബോർഡ് ബിൽഡിംഗ്, അഞ്ചാംനില, ശാന്തിനഗർ, തിരുവനന്തപുരം എന്ന വിലാസത്തിൽ നേരിട്ടോ, തപാൽ മുഖേനയോ സമർപ്പിക്കണം.