താനൂര്‍ നിയോജക മണ്ഡലത്തില്‍പ്പെടുന്ന ഒഴൂര്‍ പഞ്ചായത്തിലെ ഹോമിയോ ഡിസ്പെന്‍സറിയ്ക്ക് 10 സെന്റ് സ്ഥലം അനുവദിച്ചു. വെള്ളച്ചാല്‍ സബ് സെന്റര്‍ പരിസരത്ത് സര്‍ക്കാര്‍ ഭൂമിയില്‍ നിന്നാണ് ഡിസ്പെന്‍സറിയ്ക്ക് 10 സെന്റ് സ്ഥലമാണ് അനുവദിച്ചത്. കായിക വകുപ്പ് മന്ത്രി വി. അബ്ദുറഹിമാന് ഒഴൂര്‍ പഞ്ചായത്ത് ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാന്‍ അഷ്‌കര്‍ കോറാട് വെള്ളച്ചാല്‍ സബ് സെന്റര്‍ പരിസരത്ത് 10 സെന്റ് സ്ഥലം ആശുപത്രിക്കായി അനുവദിക്കണമെന്ന് ആവശ്യപ്പെട്ട് നിവേദനം നല്‍കിയിരുന്നു. ഇതേ തുടര്‍ന്നാണ് സ്ഥലം അനുവദിച്ച് ഉത്തരവിറങ്ങിയത്. ഒഴൂരിലെ ഹോമിയോ ഡിസ്പെന്‍സറി രണ്ട് വര്‍ഷത്തോളമായി വാടക കെട്ടിടത്തിലാണ് പ്രവര്‍ത്തിക്കുന്നത്. സ്വന്തമായി സ്ഥലം ലഭ്യമായതോടെ ഡിസ്പെന്‍സറിയ്ക്ക് സ്ഥിരം കെട്ടിടം ഒരുക്കാനുള്ള ശ്രമത്തിലാണ് പഞ്ചായത്ത് അധികൃതര്‍.
