കൈമനം സർക്കാർ വനിതാ പോളിടെക്‌നിക് കോളേജിലെ ഡിപ്ലോമ ലാറ്ററൽ എൻട്രി പ്രവേശനം 27ന് രാവിലെ 9.30 മുതൽ നടക്കും.

9.30 മുതൽ 10 വരെ റാങ്ക് ലിസ്റ്റിൽ ഉൾപ്പെട്ടിട്ടുള്ള എല്ലാ ഐ.റ്റി.ഐ/കെ.ജി.സി.ഇ വിഭാഗക്കാർ. 10 മുതൽ 10.30 വരെ ഒന്നു മുതൽ 200 റാങ്കിൽ ഉൾപ്പെട്ട +2/വി.എച്ച്.എസ്.ഇ എല്ലാ വിഭാഗം വിദ്യാർഥികളും. 10.30 മുതൽ 11 വരെ 201 മുതൽ 350 റാങ്കിൽ ഉൾപ്പെട്ട എല്ലാ വിഭാഗം വിദ്യാർഥികളും. 11 മുതൽ 11.30 വരെ 351 മുതൽ 500 റാങ്കിൽ ഉൾപ്പെട്ട എല്ലാ വിഭാഗം വിദ്യാർഥികളും.

അഡ്മിഷൻ എടുക്കാൻ ആഗ്രഹിക്കുന്നവർ നിശ്ചിത സമയപരിധിക്കുള്ളിൽ രജിസ്‌ട്രേഷൻ നടത്തണം. നിശ്ചിത സമയത്തിനു ശേഷം ഹാജരാകുന്നവരെ പരിഗണിക്കില്ല. എല്ലാ സർട്ടിഫിക്കറ്റുകളുടെയും ടി.സിയുടെയും അസ്സൽ ഹാജരാക്കണം. അഡ്മിഷൻ ലഭിക്കുകയാണെങ്കിൽ ഫീസ് ആനുകൂല്യം ഉള്ളവർ ഏകദേശം 14,000 രൂപയും മറ്റുള്ളവർ ഏകദേശം 16,500 രൂപയും അടയ്ക്കണം. പി.ടി.എ ഫീസ് ഒഴികെയുള്ള എല്ലാ ഫീസും ഡെബിറ്റ്/ക്രെഡിറ്റ് കാർഡ് വഴി അടയ്ക്കണം. കൂടുതൽ വിവരങ്ങൾക്ക്: www.polyadmission.org/let.