മലപ്പുറം മേല്‍മുറി മഅ്ദിന്‍ ക്യാമ്പസിലെ പ്രൊഫ. പാലക്കീഴ് നാരായണന്‍ നഗറിലെ ജില്ലാ ലൈബ്രറി കൗണ്‍സില്‍ പുസ്തകോത്സവത്തില്‍ ശ്രദ്ധേയമായി ജില്ലയിലെ നവ എഴുത്തുകാരുടെ കൂട്ടായ്മ ഒരുക്കിയ സ്റ്റാള്‍. ജില്ലയിലെ പത്തോളം നവ എഴുത്തുകാരുടെ 17 കൃതികളാണ് സ്റ്റാളിലുള്ളത്. വിവിധ മേഖലകളില്‍ ജോലി ചെയ്യുന്നവരും വിരമിച്ചവരുമാണ് കൂട്ടായ്മയിലുള്ള എഴുത്തുകാര്‍. നവ എഴുത്തുകാരെ പ്രോത്സാഹിപ്പിക്കുന്നതിനായി ജില്ലാ ലൈബ്രറി കൗണ്‍സില്‍ സൗജന്യമായാണ് സ്റ്റാള്‍ അനുവദിച്ചത്. അധ്യാപികമാരായ സുനിത കെ.എന്‍, സൗമ്യ കെ.ടി എന്നിവര്‍ക്കാണ് സ്റ്റാളിന്റെ ചുമതല.
