ജില്ലയില്‍ ഉപതിരഞ്ഞെടുപ്പ് നടക്കുന്ന നാല് ഗ്രാമപഞ്ചായത്ത് വാര്‍ഡുകള്‍, ബ്ലോക്ക്- ജില്ലാ പഞ്ചായത്ത് ഡിവിഷനുകള്‍ എന്നിവിടങ്ങളില്‍ ഡിസംബര്‍ 6, 7, 8 തീയതികളില്‍ ജില്ലാ കലക്ടര്‍ മൃണ്‍മയി ജോഷി ഡ്രൈഡേ പ്രഖ്യാപിച്ചു.

ഉപതിരഞ്ഞെടുപ്പ് നടക്കുന്ന ജില്ലാ പഞ്ചായത്ത് ശ്രീകൃഷ്ണപുരം ഡിവിഷന്‍, കുഴല്‍മന്ദം ബ്ലോക്ക് പഞ്ചായത്ത് ചുങ്കമന്നം ഡിവിഷന്‍, തരൂര്‍ ഗ്രാമ പഞ്ചായത്തിലെ ഒന്നാം വാര്‍ഡ് തോട്ടുംപള്ള, എരുത്തേമ്പതി ഗ്രാമപഞ്ചായത്തിലെ ഏഴാം വാര്‍ഡ് മൂങ്കില്‍മട, എരിമയൂര്‍ ഗ്രാമ പഞ്ചായത്തിലെ ഒന്നാം വാര്‍ഡ് അരിയക്കോട്, ഓങ്ങല്ലൂര്‍ ഗ്രാമ പഞ്ചായത്തിലെ എട്ടാം വാര്‍ഡ് കര്‍ക്കിടകച്ചാല്‍ എന്നിവിടങ്ങളിലാണ് ഉപതിരഞ്ഞെടുപ്പ് നടക്കുന്നത്.

ഉപതിരഞ്ഞെടുപ്പ് നടക്കുന്നതിന്റെ തലേദിവസമായ ഡിസംബര്‍ 6, തിരഞ്ഞെടുപ്പ് ദിവസമായ ഡിസംബര്‍ 7, വോട്ടെണ്ണല്‍ ദിവസമായ ഡിസംബര്‍ 8 എന്നീ ദിവസങ്ങളിലാണ് ഡ്രൈ ഡേ പ്രഖ്യാപിച്ചത്.