വട്ടിയൂര്‍ക്കാവ് സെന്‍ട്രല്‍ പോളിടെക്ക്നിക്ക് കോളേജില്‍ നടത്തുന്ന ഫൈബര്‍ റീ ഇന്‍ഫോഴ്സ്ഡ് പ്ലാസ്റ്റിക് (എഫ്. ആര്‍. പി) കോഴ്സിലേക്ക് അപേക്ഷ ക്ഷണിച്ചു. ഒരു വര്‍ഷമാണ് കോഴ്സ് കാലാവധി. അപേക്ഷകര്‍ എസ്.എസ്.എല്‍.സി/തത്തുല്യ യോഗ്യതയോടൊപ്പം  മെഷിനിസ്റ്റ്, ഫിറ്റര്‍, പ്ലാസ്റ്റിക് പ്രൊസസ്സിംഗ് ഓപ്പറേറ്റര്‍, ഫൗണ്‍റി മാന്‍, ടൂള്‍ & ഡൈ മേക്കര്‍ (ജിഗ്സ് ആന്റ് ഫിക്സ്ച്ചേര്‍സ്), ടൂള്‍ & ഡൈ മേക്കര്‍ (ഡൈസ് & മോള്‍ഡ്)  എന്നീ ട്രേഡുകളില്‍ ഏതെങ്കിലും ഐടിഐ പാസായവരോ അല്ലെങ്കില്‍ ഫിറ്റിംഗ്/ കാര്‍പെന്ററി/ ടര്‍ണിംഗ് ട്രേഡ് എന്നിവയില്‍ റ്റി. എച്ച്. എസ്. എല്‍. സി പാസായവരോ ആയിരിക്കണം.  60 രൂപയാണ് അപേക്ഷ ഫോമിന്റെ വില. എസ്.എസി, എസ്. റ്റി വിഭാഗക്കാര്‍ക്ക് 30 രൂപ.  25 വയസാണ് ഉയര്‍ന്ന പ്രായപരിധി.  ഡിസംബര്‍ 15 വൈകിട്ട് നാല് മണി വരെ അപേക്ഷ സ്വീകരിക്കുമെന്ന് പ്രിന്‍സിപ്പാള്‍ അറിയിച്ചു. കൂടുതല്‍ വിവരങ്ങള്‍ക്ക് വെബ്സൈറ്റ്- www.cpt.ac.in. ഫോണ്‍. 0471-2360391.