മുരിയാട് ഗ്രാമപഞ്ചായത്ത് വാഴഗ്രാമം പദ്ധതിക്ക് തുടക്കം

മുരിയാട് പഞ്ചായത്തിലെ നൂറുദിന കർമ്മ പദ്ധതിയിൽ പന്ത്രണ്ടാമത്തെ ഇനമായ വാഴഗ്രാമം പദ്ധതി ജില്ലാ പഞ്ചായത്ത് പൊതുമരാമത്ത് സ്റ്റാൻഡിങ് കമ്മിറ്റി ചെയർപേഴ്സൺ ലത ചന്ദ്രൻ ഉദ്ഘാടനം ചെയ്തു.  പഞ്ചായത്ത് പ്രസിഡന്റ് ജോസ് ചിറ്റിലപ്പിള്ളി അധ്യക്ഷനായിരുന്നു. 10000 വാഴ തൈകളാണ് മുരിയാട് പഞ്ചായത്തിലെ കർഷകർക്കായി ഈ പദ്ധതിയുടെ ഭാഗമായി വിതരണം ചെയ്യുന്നത്. മുരിയാട്  സഹകരണ ബാങ്ക് പരിസരത്ത് നടന്ന ചടങ്ങിൽ പഞ്ചായത്ത് വൈസ് പ്രസിഡന്റ് സരിത സുരേഷ്, മുരിയാട് സഹകരണ ബാങ്ക് പ്രസിഡന്റ് എം ബി രാഘവൻ മാസ്റ്റർ, പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ കെ യു വിജയൻ, ഭരണസമിതി അംഗമായ തോമസ് തൊകലത്ത്, വാർഡ് അംഗം ശ്രീജിത്ത് പട്ടത്ത്, ഭരണസമിതി അംഗങ്ങളായ എ എസ് സുനിൽകുമാർ, നിജി വത്സൻ, മണി സജയൻ, കുടുംബശ്രീ സിഡിഎസ് ചെയർപേഴ്സൺ ഷീജ മോഹൻ തുടങ്ങിയവർ സംസാരിച്ചു. കൃഷി ഓഫീസർ രാധിക കെ യു സ്വാഗതവും കൃഷി അസിസ്റ്റന്റ് മായ നന്ദിയും പറഞ്ഞു. പഞ്ചായത്തിലെ രണ്ട് കേന്ദ്രങ്ങളിൽ നിന്നാണ് വാഴതൈകൾ വിതരണം ചെയ്യുന്നത്. മുരിയാട് ആനന്ദപുരം വില്ലേജിൽ  ഉൾപ്പെടുന്നവർക്ക് മുരിയാട് സഹകരണബാങ്ക് പരിസരത്തുനിന്നും പുല്ലൂർ വില്ലേജിൽപ്പെട്ട കർഷകർക്ക് പുല്ലൂർ സഹകരണ ബാങ്ക് പരിസരത്തു നിന്നാണ് തൈകൾ വിതരണം ചെയ്യുന്നത്.