ജില്ലാ ക്ഷീര കർഷക സംഗമത്തിന്റെ പൊതു സമ്മേളനം ക്ഷീര വികസന മൃഗസംരക്ഷണ വകുപ്പ് മന്ത്രി ജെ. ചിഞ്ചു റാണി ഉദ്ഘാടനം ചെയ്യും.
കുര്യനാട് ക്ഷീരോത്പാദക സഹകരണ സംഘത്തിൽ വച്ച് ഉച്ചയ്ക്ക് 12.30 ന് നടക്കുന്ന ചടങ്ങിൽ ദേശീയ – സംസ്ഥാന അവാർഡ് ജേതാക്കളെ മന്ത്രി ആദരിക്കും.
അഡ്വ. മോൻസ് ജോസഫ് എം.എൽ എ അധ്യക്ഷത വഹിക്കും. ജോസ് കെ. മാണി എം.പി മുഖ്യപ്രഭാഷണം നടത്തും. ജില്ലയിൽ ഏറ്റവും കൂടുതൽ പാൽ അളന്ന ക്ഷീരകർഷകരെ മാണി സി കാപ്പൻ എം.എൽ.എ ആദരിക്കും. കന്നുകാലി പ്രദർശന മത്സര വിജയികൾക്കുള്ള സമ്മാനം സി.കെ ആശ എം എൽ എ വിതരണം ചെയ്യും. ജില്ലയിലെ മികച്ച ക്ഷീര സംഘങ്ങൾക്കുള്ള അവാർഡ് വിതരണം ജില്ലാ പഞ്ചായത്ത് പ്രസിഡന്റ് നിർമ്മലാ ജിമ്മി നിർവഹിക്കും. ഉഴവൂർ ബ്ലോക്ക് പഞ്ചായത്ത് പ്രസിഡന്റ് ബൈജു ജോൺ യുവ കർഷകരെ ആദരിക്കും. ക്ഷീര സുരക്ഷ ചികിത്സാ ധനസഹായ വിതരണം ക്ഷീരകർഷക ക്ഷേമനിധി ബോർഡ് ചെയർമാൻ വി.പി ഉണ്ണികൃഷ്ണൻ നിർവഹിക്കും. മികച്ച മാതൃക തീറ്റപ്പുൽ കൃഷിത്തോട്ടത്തിനുള്ള സമ്മാനം മരങ്ങാട്ടുപിള്ളി ഗ്രാമ പഞ്ചായത്ത് പ്രസിഡന്റ് ബെൽജി ഇമ്മാനുവലും കോവിഡ് കാലത്ത് മികച്ച പ്രവർത്തനം നടത്തിയ ക്ഷീര സംഘത്തിനുള്ള സമ്മാനം ബ്ലോക്ക് വൈസ് പ്രസിഡന്റ് സിന്ധുമോൾ ജേക്കബും വിതരണം ചെയ്യും.