ആലപ്പുഴ: കുട്ടനാട് , കൈനകരി ഉൾപ്പടെയുള്ള സ്ഥലങ്ങളിലെ സ്ഥിതിഗതികൾ വിലയിരുത്താൻ സംസ്ഥാന ധനമന്ത്രി ഡോ.ടി.എം.തോമസ് ഐസക് പ്രസ്തുത പ്രദേശങ്ങൾ സന്ദർശിച്ചു. പുലർച്ചെ ആരംഭിച്ച സന്ദർശനം ഉച്ചവരെ തുടർന്നു. കൈനകരി, മുട്ടാർ, രാമങ്കരി, തലവടി , പുളിങ്കുന്ന് പ്രദേശങ്ങളിൽ നിന്ന് പരമാവധി ആളുകളെ ഒഴിപ്പിച്ചു. ചില ഭാഗങ്ങളിൽ ആളുകൾ ഒഴിയാതെ അവശേഷിക്കുന്നുണ്ട്. അവരെക്കൂട് സുരക്ഷിത സ്ഥാനങ്ങളിൽ എത്തിക്കുന്നതിന് കൂടുതൽ ഹൗസ് ബോട്ടുകളും രക്ഷാ നൗകകളും ഉപയോഗിക്കുന്നുണ്ട്.
