വനിതാ -ശിശു വികസന വകുപ്പിനു കീഴിലുള്ള ചിൽഡ്രൻസ് ഹോമുകളിലെ കുട്ടികളിൽ മധ്യവേനലവധിക്കാലത്ത് സ്വന്തം ഭവനങ്ങളിൽ പോകാൻ സാധിക്കാത്തവർക്ക് സ്വന്തം ഭവനം പോലെ വീടനുഭവം നൽകുന്നതിനായി നടപ്പാക്കുന്ന ‘സനാഥ ബാല്യം -2023’ പദ്ധതിയുടെ ഭാഗമാകാൻ പൊതുജനങ്ങൾക്ക് അവസരം. ജില്ലയിലെ 50 ചൈൽഡ് കെയർ സ്ഥാപനങ്ങളിൽ നിന്നുള്ള ആറിനും 18 വയസിനുമിടയിൽ പ്രായമുള്ള കുട്ടികളെ മദ്ധ്യവേനലവധിക്കാലത്ത് സ്വന്തം മക്കൾക്കൊപ്പം വീടുകളിൽ താമസിപ്പിച്ച് നല്ലൊരു കുടുംബാനുഭവം ലഭ്യമാക്കുകയാണ് ലക്ഷ്യം.

ഒന്നിലധികം കുട്ടികളെ സംരക്ഷിക്കാൻ സന്നദ്ധരായവർക്ക് മുൻഗണന. സന്നദ്ധരായ ജില്ലയിലെ കുടുംബങ്ങൾക്ക് അപേക്ഷ നൽകാം. ഒന്നിലധികം കുട്ടികളെ സംരക്ഷിക്കാൻ സന്നദ്ധരായവർക്ക് മുൻഗണയുണ്ട്. അപേക്ഷ സമർപ്പിക്കുന്നവർ പോലീസ് ക്ലിയറൻസ് സർട്ടിഫിക്കറ്റ് അപേക്ഷയോടൊപ്പം സമർപ്പിക്കണം. കോട്ടയം അണ്ണാൻകുന്നിൽ പ്രവർത്തിക്കുന്ന വകുപ്പിന്റെ ജില്ലാ ചൈൽഡ് പ്രൊട്ടക്ഷൻ യൂണിറ്റ് ഓഫീസിൽ ജനുവരി 31 നകം അപേക്ഷ നൽകണം. വിശദ വിവരത്തിന് ഫോൺ -9495814350, 0481 2580548.