സര്ട്ടിഫിക്കറ്റ് ഇന് കംപ്യൂട്ടര് ആന്റ് ഡി.റ്റി.പി ഓപ്പറേഷന് കോഴ്സിലേയ്ക്ക് അഡ്മിഷന് ആരംഭിച്ചു.
സാങ്കേതിക വിദ്യാഭ്യാസ വകുപ്പും കേരള സ്റ്റേറ്റ് സെന്റര് ഫോര് അഡ്വാന്സ്ഡ് പ്രിന്റിംഗ് ആന്റ് ട്രെയിനിംഗും (സി- ആപ്റ്റ്) സംയുക്തമായി ആരംഭിക്കുന്ന സര്ട്ടിഫിക്കറ്റ് ഇന് കംപ്യൂട്ടര് ആന്റ് ഡി.റ്റി.പി ഓപ്പറേഷന് കോഴ്സിലേയ്ക്ക് അഡ്മിഷന് ആരംഭിക്കുന്നു. അപേക്ഷകര് എസ്.എസ്.എല്.സി പാസ്സായിരിക്കണം. നൂതന സാങ്കേതിക അച്ചടി രംഗത്ത് തൊഴില് സാദ്ധ്യത ഏറെ ഉള്ള കോഴ്സാണ്. സംസ്ഥാന സാങ്കേതിക വിദ്യാഭ്യാസ പരീക്ഷാ കണ്ട്രോളര് സര്ട്ടിഫിക്കറ്റുകള് നല്കും.
പ്രസ്തുത കോഴ്സില് പട്ടികജാതി, പട്ടികവര്ഗ്ഗ മറ്റര്ഹ വിഭാഗങ്ങള്ക്ക് നിയമാനുസ്യത ഫീസ് ആനുകുല്യം ലഭിക്കുന്നതാണ്. ഒ.ബി.സി , എസ്.ഇ.ബി.സി മറ്റ് മുന്നാക്ക സമുദായങ്ങളിലെ സാമ്പത്തികമായി പിന്നാക്കം നില്ക്കുന്ന വിദ്യാര്ത്ഥികള്ക്ക് വരുമാന പരിധിക്കു വിധേയമായി ഫീസ് ആനുകൂല്യം ലഭിക്കും.
ഈ സര്ട്ടിഫിക്കറ്റ് കേരളാ പബ്ളിക്ക് സര്വ്വീസ് കമ്മീഷന് മുഖേന വിവിധ തസ്തികകളിലേയ്ക്ക് അപേക്ഷിക്കുന്നതിനുള്ള യോഗ്യതയായി സര്ക്കാര് അംഗീകരിച്ചിട്ടുണ്ട്.
അപേക്ഷാഫോറം, പ്രോസ്പെക്ടസ് എന്നിവ സെന്ററിന്റെ പരിശീലന വിഭാഗത്തില് നിന്ന് 100 രൂപയ്ക്ക് നേരിട്ടും, 130 രൂപയുടെ മണിഓര്ഡറായി ഓഫീസര് ഇന് ചാര്ജ്, കേരള സ്റ്റേറ്റ് സെന്റര് ഫോര് അഡ്വാന്സ്ഡ് പ്രിന്റിംഗ് ആന്റ് ട്രെയിനിംഗ്, ഗവ.എല്.പി സ്കൂള് ക്യാമ്പസ്, തോട്ടക്കാട്ടുകര പി.ഒ, ആലുവ 683108 എന്ന വിലാസത്തില് അയച്ചാല് തപാല് മാര്ഗ്ഗവും ലഭ്യമാകും.
വിശദ വിവരങ്ങള് പരിശീലന വിഭാഗത്തിലെ 0484-2605322, 9605022555എന്നീ ഫോണ് നമ്പറുകളില് ലഭ്യമാകും. പൂരിപ്പിച്ച അപേക്ഷ ലഭിക്കേണ്ട അവസാന തീയതി മാർച്ച് 30.