ജില്ലയില്‍ പല സ്ഥലങ്ങളിലും നവംബർ 15, 16 തീയതികളിൽ ഒറ്റപ്പെട്ട കനത്ത മഴയ്ക്ക് സാധ്യതയുള്ളതിനാല്‍  കാലാവസ്ഥാ നിരീക്ഷണ കേന്ദ്രം മഞ്ഞ അലര്‍ട്ട് പ്രഖ്യാപിച്ചു.

ഇതുമായി ബന്ധപ്പെട്ട് അടിയന്തര സാഹചര്യങ്ങള്‍ നേരിടുന്നതിന് എല്ലാ താലൂക്ക് ഓഫീസുകളിലും വില്ലേജ് ഓഫീസുകളിലും 24 മണിക്കൂറും പ്രവര്‍ത്തിക്കുന്ന കണ്‍ട്രോണ്‍ റൂമുകള്‍ തുറന്നു. അടിയന്തര സാഹചര്യങ്ങളില്‍ പൊതുജനങ്ങള്‍ക്ക് വില്ലേജ് ഓഫീസുകളിലും താലൂക്ക് ഓഫീസുകളിലും കളക്ടറേറ്റിലും പ്രവര്‍ത്തിക്കുന്ന കണ്‍ട്രോള്‍ റൂമുകളുമായി ബന്ധപ്പെടാം.

കണ്‍ട്രോള്‍ റൂം നമ്പരുകള്‍: കളക്ടറേറ്റ്- 0468 2322515, 2222515, താലൂക്ക് ഓഫീസ് കോഴഞ്ചേരി- 0468 2222221, അടൂര്‍- 04734 224826, കോന്നി- 0468 2240087, റാന്നി- 04735 227442, മല്ലപ്പള്ളി- 0469 2682293, തിരുവല്ല- 0469 2601303.

പോലീസ്, ഫയര്‍  ആന്‍ഡ് റസ്‌ക്യു, പൊതുമരാമത്ത് വകുപ്പ്, പഞ്ചായത്ത് ഡെപ്യൂട്ടി ഡയറക്ടര്‍, ജില്ലാ മെഡിക്കല്‍ ഓഫിസര്‍, ജില്ലാ സപ്ലൈ ഓഫിസര്‍ തുടങ്ങിയ വകുപ്പ് മേലധ്യക്ഷന്മാര്‍ക്ക് മഴക്കെടുതിയുമായി ബന്ധപ്പെട്ട അടിയന്തര സാഹചര്യങ്ങള്‍ നേരിടുന്നതിന് ആവശ്യമായ മുന്‍കരുതലുകള്‍ സ്വീകരിക്കാന്‍ ജില്ലാ കളക്ടര്‍ നിര്‍ദേശം നല്‍കി.