അനാരോഗ്യകരമായ ചുറ്റുപാടുകളിൽ ശുചീകരണ തൊഴിലിൽ ഏർപ്പെടുന്നവരുടെ മക്കൾക്കുള്ള സെൻട്രൽ പ്രീമെട്രിക് സ്കോളർഷിപ്പ് പദ്ധതിക്കായി ആഗസ്റ്റ് 31 വരെ അപേക്ഷിക്കാം. 2025-26 വർഷം സർക്കാർ/ എയ്ഡഡ് അംഗീകൃത അൺ എയ്ഡഡ് സ്‌കൂളുകളിൽ 1 മുതൽ 10 വരെ ക്ലാസുകളിൽ പഠിക്കുന്ന വിദ്യാർത്ഥികൾക്ക് അപേക്ഷിക്കാം. പദ്ധതിക്ക് ജാതി/ മത/ വരുമാന പരിഗണനകളില്ല. അപേക്ഷകൾ സ്‌കൂളിൽ നിന്നും ഇ-ഗ്രാന്റ്സ് പോർട്ടൽ മുഖേന ഓൺലൈനായി നൽകണം. കൂടുതൽ വിവരങ്ങൾ അതത് ബ്ലോക്ക്/ കോർപ്പറേഷൻ/ മുൻസിപ്പാലിറ്റി പട്ടികജാതി വികസന ഓഫീസുകളിൽ നിന്നും ലഭിക്കും.