സംസ്ഥാന സ്കൂൾ ഗെയിംസിൽ അണ്ടർ 19 ബോയ്സ് ഫുട്ബോൾ മത്സരത്തിൽ മലപ്പുറം ചാമ്പ്യന്മാരായി. ഫൈനൽ പോരാട്ടത്തിൽ കോഴിക്കോടിനെതിരെ 2-1 നാണ് മലപ്പുറം കിരീടം നേടിയത്. അണ്ടർ 19 പെൺകുട്ടികളുടെ ഫുട്ബോൾ മത്സരം സെപ്റ്റംബർ 25 വ്യാഴാഴ്ച കണ്ണൂർ പോലീസ് പരേഡ് ഗ്രൗണ്ടിൽ തുടരും. തലശ്ശേരി ചമ്പാട് ഇൻഡോർ സ്റ്റേഡിയത്തിൽ അണ്ടർ 19 ആൺകുട്ടികളുടെ വോളിബോൾ മത്സരത്തിന്റെ ക്വാർട്ടർ ഫൈനൽ പൂർത്തിയായി. സെമി, ഫൈനൽ മത്സരങ്ങൾ വ്യാഴാഴ്ച നടക്കും.

അണ്ടർ 17 ആൺകുട്ടികളുടെയും പെൺകുട്ടികളുടെയും ബോക്സിങ് മത്സരങ്ങൾ ജി വി എച്ച് എസ് എസ് സ്പോർട്സിൽ വ്യാഴാഴ്ച നടക്കും. തലശ്ശേരി ചമ്പാട് ഇൻഡോർ സ്റ്റേഡിയത്തിൽ അണ്ടർ 19 ബോയ്സ് വോളിബോൾ മത്സരത്തിന്റെ സെമിയും ഫൈനലും നടക്കും. തലശ്ശേരി സായി സെന്ററിൽ അണ്ടർ 19,17,14 ബോയ്സ്, ഗേൾസ് ജിംനാസ്റ്റിക്സ് മത്സരങ്ങളും വ്യാഴാഴ്ച നടക്കും.