കൊല്ലം ജില്ലാ ഭരണകൂടത്തിന്റെയും ജില്ലാ ശിശുക്ഷേമ സമിതിയുടെയും ആഭിമുഖ്യത്തില് ശിശുദിനാഘോഷ പരിപാടി ‘വര്ണോത്സവം’ സംഘടിപ്പിച്ചു. എസ്എന് കോളേജ് ആര് ആര് ശങ്കര് ജന്മശതാബ്ദി സ്മാരക ഓഡിറ്റോറിയത്തില് കുട്ടികളുടെ പ്രധാനമന്ത്രി മുഹമ്മദ് അഹ്സാന് ചടങ്ങ് ഉദ്ഘാടനം ചെയ്തു.
കുട്ടികളുടെ പ്രസിഡന്റ് എസ്.ആര്.സൗരവ് അധ്യക്ഷനായി. സംസ്ഥാന ബാലാവകാശ കമ്മീഷന് ചെയര്മാന് കെ.വി.മനോജ് കുമാര് ശിശുദിന സ്റ്റാമ്പ് പ്രകാശനം ചെയ്തു. കുട്ടികളുടെ സ്പീക്കര് എസ്.നിരഞ്ജന് ശിശുദിന പ്രഭാഷണം നടത്തി. ആഘോഷ പരിപാടികള്ക്ക് മുന്നോടിയായി ചിന്നക്കട ക്രേവന് എല് എം എസ് ഹൈസ്കൂളില് നിന്നും ആരംഭിച്ച ശിശുദിന റാലി ജില്ലാ കലക്ടര് എന്.ദേവിദാസ് ഫ്ളാഗ് ഓഫ് ചെയ്തു. ശിശുദിന റാലിയില് മികച്ച പ്രകടനം കാഴ്ചവച്ചവര്ക്ക് ചടങ്ങില് സമ്മാനങ്ങള് വിതരണം ചെയ്തു. സംഗീത ഉപകരണങ്ങളില് അസാമാന്യ പാടവം തീര്ത്ത ത്രയംബക കണ്ണനെ ആദരിച്ചു. സിറ്റി പോലീസ് കമ്മീഷണര് കിരണ് നാരായണന്, സി ഡബ്ല്യുസി ചെയര്മാന് സനല് വെള്ളിമണ്, എസ് എന് കോളേജ് പ്രിന്സിപ്പാള് എസ്.ലൈജു, ജില്ലാ ചൈല്ഡ് പ്രൊട്ടക്ഷന് ഓഫീസര് രഞ്ജിനി, ജില്ല ശിശുക്ഷേമ സമിതി സെക്രട്ടറി ഡി.ഷൈന് ദേവ്, ജില്ലാ ശിശുക്ഷേമ സമിതി വൈസ് പ്രസിഡന്റ് ഷീബ ആന്റണി, ജില്ലാ മൃഗസംരക്ഷണ ഓഫീസര് ഡോ.ഡി. ഷൈന് കുമാര്, ജില്ലാ ശിശുക്ഷേമ സമിതി ജോയിന്റ് സെക്രട്ടറി സുവര്ണ്ണന് പരവൂര്, ജില്ലാ ശിശുക്ഷേമ സമിതി ട്രഷറര് എന്.അജിത്ത് പ്രസാദ്, ജില്ല ശിശുക്ഷേമ സമിതി എക്സിക്യൂട്ടീവ് കമ്മിറ്റി അംഗങ്ങളായ ജി.ആനന്ദന്, കറവൂര് എല് വര്ഗീസ്, പി.അനീഷ്, ആര്. മനോജ്, എക്സൈസ് കമ്മീഷണര് എം.നൗഷാദ്, ജോയിന്റ് ആര്ടിഒ ശരത് ചന്ദ്രന്, എസ് എന് കോളേജ് എന്എസ്എസ് കോര്ഡിനേറ്റര് വിദ്യ, അധ്യാപകരായ അര്ച്ചന, സുജ തുടങ്ങിയവര് പങ്കെടുത്തു.