ഫെബ്രുവരി 15 മുതൽ 19 വരെ കനകക്കുന്നിൽ നടക്കുന്ന ഇൻറർനാഷണൽ ആയുഷ് കോൺക്ലേവിന്റെ പ്രചരണാർത്ഥം ടിക് ടോക് വീഡിയോ മത്സരം സംഘടിപ്പിക്കുന്നു. അഡിക്ഷൻസ് എന്ന വിഷയത്തിലാണ് മത്സരാർത്ഥികൾ വീഡിയോ തയ്യാറാക്കേണ്ടത്. ആയുഷിന് കീഴിലുള്ള വിദ്യാർത്ഥികൾക്കും അദ്ധ്യാപകർക്കും മറ്റു വ്യക്തികൾക്കും സംഘടനകൾക്കും മത്സരത്തിൽ പങ്കെടുക്കാം. വിജയികളാകുന്നവർക്ക് ആകർഷകമായ ഒന്നും രണ്ടും സമ്മാനങ്ങൾക്ക് പുറമെ പ്രശസ്ത സിനിമാ താരത്തിന്റെ കൂടെ ടിക് ടോക് വീഡിയോ ചെയ്യാനുള്ള അവസരവും ലഭിക്കും.
മത്സരത്തിനായി അയക്കുന്ന വീഡിയോ ഐ. എ.സി യുടെ ഒഫീഷ്യൽ ഫേസ്ബുക്ക് പേജിൽ പോസ്റ്റ് ചെയ്യും. ഓരോ വീഡിയോയ്ക്കും കിട്ടുന്ന ലൈക്കുകളുടെ എണ്ണം കൂടി പരിഗണിച്ചാവും വിജയികളെ തീരുമാനിക്കുക. ഫേസ് ബുക്ക് ഷെയറുകളുടെ എണ്ണം പരിഗണിക്കില്ല.
നേരത്തെ നിലനിൽക്കുന്ന സിനിമാ രംഗങ്ങൾ ഉപയോഗിക്കാനാവില്ല. വീഡിയോയുടെ ദൈർഘ്യം 45 സെക്കന്റ് മുതൽ രണ്ട് മിനുട്ട് വരെ ആകാം. ഒറ്റയ്‌ക്കോ സംഘമായോ വീഡിയോ ചെയ്യാം. ഒരാൾക്ക് ഒരു വീഡിയോ മാത്രമേ അയയ്ക്കാനാവൂ. വീഡിയോ മലയാളത്തിലാണ് ചെയ്യേണ്ടത്.
പശ്ചാത്തല സംഗീതം ഉപയോഗിക്കാം. സിനിമാരംഗങ്ങൾക്ക് ലിപ് കൊടുക്കുന്ന തരത്തിലുള്ള വീഡിയോ പാടില്ല. വീഡിയോ 9946361472 എന്ന നമ്പറിലേക്കോ iackerala2018@