ഒമാനിലെ പ്രമുഖ ആശുപത്രി ശൃംഖലയായ ലൈഫ് ലൈൻ ഹോസ്പിറ്റലിലേക്ക് ലേബർ റൂം/ ഓപ്പറേഷൻ തിയേറ്റർ വിഭാഗത്തിൽ വനിതാ നഴ്സുമാരെ നോർക്ക റൂട്ട്സ് മുഖേന തിരഞ്ഞെടുക്കും. 40 വയസ്സു വരെ പ്രായമുളള ബി.എസ്.സി (നഴ്സിംങ്)/ ജി.എൻ.എം യോഗ്യതയുളള വനിതകൾക്കാണ് അവസരം. ലേബർ റൂം/ഓപ്പറേഷൻ തിയേറ്ററിൽ അഞ്ച് മുതൽ 10 വർഷം വരെ പ്രവൃത്തിപരിചയം ഉണ്ടായിരിക്കണം. 375 മുതൽ 400 ഒമാനി റിയാൽ വരെ (ഏകദേശം 67,500 രൂപ മുതൽ 72,100 രൂപ വരെ) ശമ്പളം ലഭിക്കും. താത്പര്യമുള്ളവർ വിശദമായ ബയോഡാറ്റ norka.oman@gmail.com ൽ ജൂൺ 30ന് മുമ്പ് സമർപ്പിക്കണമെന്ന് നോർക്ക റൂട്ട്‌സ് ചീഫ് എക്സിക്യൂട്ടീവ് ഓഫീസർ അറിയിച്ചു.  കൂടുതൽ വിവരങ്ങൾ www.norkaroots.org യിലും ടോൾഫ്രീ നമ്പറായ 1800 425 3939 (ഇൻഡ്യയിൽ നിന്നും) 00918802012345 (വിദേശത്ത് നിന്നും) ലഭിക്കും.