ദേശീയ പിന്നാക്ക വിഭാഗ വികസന കോർപ്പറേഷന്റെ കീഴിലുളള ഐ.എച്ച്.ആർ.ഡി സ്ഥാപനമായ തിരുവനന്തപുരം മോഡൽ ഫിനിഷിങ് സ്‌കൂളിൽ സൗജന്യ തൊഴിലധിഷ്ഠിത ഡി.ടി.എച്ച്. സെറ്റ്-ടോപ്പ് ബോക്‌സ് ഇൻസ്റ്റലേഷൻ സർവീസ് ടെക്‌നീഷ്യൻ കോഴ്‌സിൽ എസ്.എസ്.എൽ.സി യോഗ്യതയുളളവരിൽ നിന്ന് അപേക്ഷ ക്ഷണിച്ചു. മൂന്നു ലക്ഷത്തിൽ താഴെ വാർഷിക കുടുംബ വരുമാനമുളള ഒ.ബി.സി വിഭാഗത്തിൽപ്പെട്ടവരോ, ഒരു ലക്ഷത്തിൽ താഴെ വാർഷിക കുടുംബ വരുമാനുളള സാമ്പത്തിക പിന്നാക്ക വിഭാഗക്കാരോ ആയിരിക്കണം. അഥവാ ഡീ നോട്ടിഫൈഡ് സെമി നൊമാഡിക് & നൊമാഡിക് ട്രൈബ്‌സ് വിഭാഗത്തിലുളളവർക്കും, അറുപതു വയസോ അതിനു മുകളിലോ പ്രായമുളള മുതിർന്ന പൗരൻമാർക്കും അപേക്ഷിക്കാം. കൂടുതൽ വിവരങ്ങൾക്ക്: 0471-2307733, 9207133385