പത്തനംതിട്ട: ജില്ലയിൽ പുതുതായി 162പേർ രോഗ നിരീക്ഷണത്തിലായി. ജില്ലയിൽ ഇതുവരെ 1148 പേരെയാണ്  സ്‌ക്‌റീനിംഗിന് വിധേയരാക്കിയത്. ജില്ലയിൽ 422പേർ  വീടുകളിൽ കരുതൽ നിരീക്ഷണത്തിലുണ്ട്. ജനറൽ ആശുപത്രി ഐസൊലേഷൻ വാർഡിൽ ഇന്ന്  24 പേരും മെഡിക്കൽ കോളേജ് ഐസൊലേഷൻ വാർഡിൽ 19 പേരും നിരീക്ഷണത്തിലുണ്ട്. പരിശോധനയ്ക്കായി അയച്ച 256 സാമ്പിളുകളിൽ 145 പരിശോധനാഫലം ലഭിച്ചു. 3 പരിശോധനാഫലം പോസിറ്റീവാണ്. 111 സാമ്പിളുകളുടെ ഫലം ലഭിക്കാനുണ്ട്.

ഇന്ന് അന്താരാഷ്ട്ര വിമാനത്താവളത്തിൽ എത്തിയ 2224 യാത്രക്കാരെയും സ്‌ക്രീനിംഗിന് വിധേയരാക്കി. രോഗലക്ഷണങ്ങളുണ്ടായിരുന്ന 14 പേരെ റഫർ ചെയ്തു.  ഡൊമസ്റ്റിക് എയർപോർട്ടിൽ 119 പേരെ സ്‌ക്രീൻ ചെയ്തു.  കളക്ടറേറ്റ് കൺട്‌റോൾ റൂമിൽ 101 കാളുകളും ദിശ കാൾ സെന്ററിൽ 210 കാളുകളുമാണ് ഇന്നെത്തിയത്. ഫേസ്ബുക്ക്, വാട്‌സ് ആപ്പ് തുടങ്ങിയ സമൂഹമാധ്യമങ്ങളിൽ കൂടിയും ബോധവത്കരണം നൽകി വരുന്നു.മാനസിക പിന്തുണ ആവശ്യമായ 13 പേരെ ഇന്ന് വിളിക്കുകയും അവർക്ക് ആവശ്യമായ നിർദ്ദേശങ്ങൾ നൽകുകയും ചെയ്തിട്ടുണ്ട് മാനസിക പിന്തുണ ആവശ്യമുണ്ടായിരുന്ന 6 പേർ  ഇന്ന് മെൻറൽ ഹെൽത്ത് ഹെൽപ് ലൈനിലേക്ക് വിളിച്ചു. ഇതുവരെ 710 പേരെ മാനസിക പിന്തുണ ഉറപ്പിക്കുവാനായി വിളിച്ചിട്ടുണ്ട്.

ജില്ലയിൽ ഇതുവരെ രോഗനിരിക്ഷണത്തിലായവരുടെഎണ്ണം –  1148

വീടുകളിൽ നിരീക്ഷണ ത്തിൽ ഉള്ളവരുടെ എണ്ണം ബ422

ആശുപത്രികളിൽ നിരീക്ഷണത്തിലുള്ളി വരുടെ എണ്ണം – 47

ഇന്ന് പുതുതായി നിരീക്ഷണ ത്തിലായവരുടെ എണ്ണം- 162

കേരള സർക്കാർ നൽകിയിരിക്കുന്ന നിർദ്ദേശങ്ങൾ എല്ലാവരും കർശനമായി പാലിക്കണം. കഴിഞ്ഞ 28 ദിവസത്തിനുള്ളിൽ വിദേശത്ത് നിന്നും ജില്ലയിൽ എത്തിയവർ 1077 എന്ന ടോൾ ഫ്രീ നമ്പരിലേക്ക് വിളിക്കേണ്ടതാണ്. വിദേശരാജ്യങ്ങളിൽ നിന്നും എത്തി കരുതൽ നിരീക്ഷണത്തിൽ പനി, ചുമ, തുമ്മൽ, ശ്വാസതടസ്സം തുടങ്ങിയ രോഗലക്ഷണങ്ങൾ കണ്ടാൽ എത്രയും പെട്ടെന്ന് ദിശ 0471 2552056 എന്ന നമ്പരിലേക്കോ കളക്ടറേറ്റ് കൺട്രോൾ റൂമിലെ  1077 എന്ന നമ്പരുകളിലേക്കോ അറിയിക്കുകയും അവിടെ നിന്നും നൽകുന്ന നിർദ്ദേശപ്രകാരം ആശുപത്രിയിലേക്ക് പോകുകയും വേണം. 9188610100 ആണ് വാട്‌സ് ആപ്പ് നമ്പർ. പൊതുവാഹനങ്ങളോ സ്വന്തം വാഹനമോ  യാത്രയ്ക്കായി ഒരു കാരണവശാലും ഉപയോഗിക്കരുത്.

വിദേശരാജ്യങ്ങളിൽ നിന്നും എത്തി വീടുകളിൽ നിരീക്ഷണത്തിലുള്ളവർ കർശനമായും നിരീക്ഷണ നിബന്ധനകൾ പാലിക്കണം. മൊബൈൽ ഫോൺ,ലാപ്‌ടോപ് , പാത്രങ്ങൾ,വസ്ത്രങ്ങൾ തുടങ്ങിയവ മറ്റുള്ളവരുമായി പങ്ക് വയ്ക്കരുത്. സോപ്പും വെള്ളവുമുപയോഗിച്ച് ഇടയ്ക്കിടെ കൈകൾ കഴുകുക. സാനിട്ടൈസർ ഉപയോഗിച്ച് കൈകൾ വൃത്തിയാക്കുക,രോഗലക്ഷണങ്ങൾ ഉള്ളവരിൽ നിന്ന് ഒരു മീറ്റർ അകലം പാലിക്കുക,കണ്ണ്,മൂക്ക്,വായ എന്നിവിടങ്ങളിൽ അനാവശ്യമായി സ്പർശിക്കാതിരിക്കുക തുടങ്ങിയ കാര്യങ്ങൾ പാലിക്കുന്നത് രോഗം പകരുന്നത് തടയുവാൻ സഹായിക്കും.

മാസ്‌ക് എല്ലാവരും ഉപയോഗിക്കേണ്ടതില്ല.രോഗലക്ഷണങ്ങളുള്ളവരും അവരെ പരിചരിക്കുന്നവരും മാസ്‌ക് നിർബന്ധമായും ധരിക്കണം.അല്ലാത്തവർ മാസ്‌ക് ധരിക്കേണ്ട കാര്യമില്ല.