ഇന്ന് വീടുകളിൽ നിരീക്ഷണത്തിനായി 46 പേരെ പുതിയതായി ഉൾപ്പെടുത്തി. വീടുകളിൽ നിരീക്ഷണത്തിലുണ്ടായിരുന്ന 330 പേരുടെ നിരീക്ഷണ കാലയളവ് അവസാനിച്ചതിനെ തുടർന്ന് നിരീക്ഷണ പട്ടികയിൽ നിന്നും ഒഴിവാക്കി. ഇതോടെ ജില്ലയിൽ വീടുകളിൽ നിരീക്ഷണത്തിൽ ഉള്ളവരുടെ ആകെ എണ്ണം 978 ആയി. ഇതിൽ 842 പേർ ഹൈ റിസ്ക്ക് വിഭാഗത്തിൽ ഉൾപ്പെട്ടതിനാൽ 28 ദിവസത്തെ നിരീക്ഷണത്തിലും, 136 പേർ ലോ റിസ്ക് വിഭാഗത്തിൽ ഉൾപ്പെട്ടതിനാൽ 14 ദിവസത്തെ നിരീക്ഷണത്തിലും ആണ്.

• ഇന്ന് പുതിയതായി ഒരാളെക്കൂടി ആശുപത്രികളിലെ ഐസൊലേഷൻ വാർഡിൽ പ്രവേശിപ്പിച്ചു. ഇദ്ദേഹത്തെ സ്വകാര്യ ആശുപത്രിയിലാണ് നിരീക്ഷണത്തിലാക്കിയത്. കളമശ്ശേരി മെഡിക്കൽ കോളേജിൽ കോവിഡ് സ്ഥിരീകരിച്ച് ചികിത്സയിൽ കഴിഞ്ഞിരുന്ന രണ്ടാമത്തെ ആരോഗ്യ പ്രവർത്തകനെക്കൂടി ഇന്ന് ഡിസ്ചാർജ് ചെയ്തു. ഏപ്രിൽ ഒന്നിനാണ് ഇദ്ദേഹത്തിന് രോഗം സ്ഥിരീകരിച്ചു മെഡിക്കൽ കോളേജിൽ അഡ്മിറ്റ് ആയത്.
‘കൂടാതെ കളമശ്ശേരി മെഡിക്കൽ കോളേജിൽ നിരീക്ഷണത്തിൽ ഉണ്ടായിരുന്ന 2 പേരെയും, മൂവാറ്റുപുഴ ജനറൽ ആശുപത്രിയിൽ നിന്ന് ഒരാളെയും, സ്വകാര്യ ആശുപത്രിയിൽ നിന്ന് 4 പേരെയും ഇന്ന് ഡിസ്ചാർജ് ചെയ്തു.

• നിലവിൽ 20 പേരാണ് ജില്ലയിലെ വിവിധ ആശുപത്രികളിലെ ഐസൊലേഷൻ വാർഡുകളിൽ കഴിയുന്നത്. ഇതിൽ 8 പേർ കളമശ്ശേരി മെഡിക്കൽ കോളേജിലും, ഒരാൾ മൂവാറ്റുപുഴ ജനറൽ ആശുപത്രിയിലും, 3 പേർ ആലുവ ജില്ലാ ആശുപത്രിയിലും, 2 പേർ കരുവേലിപ്പടി താലൂക്ക് ആശുപത്രിയിലും, 6 പേർ സ്വകാര്യ ആശുപത്രിയിലും ആണുള്ളത്. നിലവിൽ 5 പേരാണ് കോവിഡ് പോസിറ്റീവ് ആയി ജില്ലയിൽ ചികിത്സയിൽ തുടരുന്നത്. ഇവരുടെയെല്ലാം ആരോഗ്യ നില തൃപ്തികരമാണ്.

• ഇന്ന് ജില്ലയിൽ നിന്നും 16 സാമ്പിളുകൾ കൂടി പരിശോധനയ്ക്ക് അയച്ചിട്ടുണ്ട്. ഇന്ന് 26 പരിശോധന ഫലങ്ങളാണ് ലഭിച്ചത്. ഇവയെല്ലാം നെഗറ്റീവ് ആണ്. ഇനി 75 സാമ്പിൾ പരിശോധന ഫലങ്ങൾ കൂടി ലഭിക്കാനുണ്ട്.

• ഇന്ന് 161 കോളുകൾ ആണ് കൺട്രോൾ റൂമിൽ ലഭിച്ചത്. ഇതിൽ 85 കോളുകൾ പൊതുജനങ്ങളിൽ നിന്നും, 21 എണ്ണം അതിഥി തൊഴിലാളികളിൽ നിന്നുമായിരുന്നു. മറ്റ് ജില്ലകളിലേക്ക് യാത്ര ചെയ്യാൻ കഴിയുമോ, മറ്റ് സംസ്ഥാനങ്ങളിൽ നിന്നുള്ള ഗർഭിണികൾക്ക് കേരളത്തിലേക്ക് എത്താൻ കഴിയുമോ എന്നറിയാനും നിരവധി വിളികളുമെത്തി. കേരള സർക്കാരിന്റെ പുതുക്കിയ മാനദണ്ഡങ്ങൾ അനുസരിച്ച് ഗർഭിണികൾക്ക് മെഡിക്കൽ സേവനങ്ങൾ ആവശ്യമായ ഘട്ടങ്ങളിലും, മറ്റ് മാനുഷികമായ സാഹചര്യങ്ങൾ പരിഗണിച്ചും യാത്രാനുമതി ലഭിക്കുന്നതാണ്. ജില്ലാ കളക്ടർക്കാണ് അനുമതി നൽകുന്നതിനുള്ള ആധാരം.

• കൊറോണ പ്രതിരോധ പ്രവർത്തനങ്ങളുടെ ഭാഗമായി എറണാകുളം ജനറൽ ആശുപത്രയിൽ സ്റ്റാഫ് നഴ്സുമാർക്ക് ഐ സി യു മാനേജ്മന്റ്, ഓക്സിജൻ തെറാപ്പി, വെന്റിലേറ്റർ ഫക്ഷനിങ്, പി. പി. ഇ കിറ്റ് ധരിക്കേണ്ട രീതി തുടങ്ങിയവയിൽ പരിശീലനം സംഘടിപ്പിച്ചു. കൂടാതെ വളന്തക്കാട്, കാലടി എന്നിവിടങ്ങളിൽ അതിഥി തൊഴിലാളികൾക്കും ക്ലാസുകൾ സംഘടിപ്പിച്ചു.

• വീടുകളിൽ നിരീക്ഷണത്തിൽ കഴിയുന്നവർക്ക് ഡോക്ടറുമായി നേരിട്ട് സംസാരിക്കാനായി ആരംഭിച്ച വീഡിയോ കോൾ സംവിധാനത്തിലൂടെ ഇന്ന് വിളിച്ചത് 11 പേരെയാണ്.

• ഇന്ന് ജില്ലയിൽ 130 കമ്മ്യൂണിറ്റി കിച്ചനുകൾ പ്രവർത്തിച്ചു. ഇതിൽ 94 എണ്ണം പഞ്ചായത്തുകളിലും, 36 എണ്ണം നഗരസഭകളിലുമാണ്. ഇവിടങ്ങൾ വഴി 33261 പേർക്ക് ഫുഡ് കിറ്റുകൾ നൽകി. ഇതിൽ 8894 പേർ ഇതര സംസ്ഥാന തൊഴിലാളികൾ ആണ്.

• വാർഡ് തലങ്ങളിൽ പ്രവർത്തിക്കുന്ന ആരോഗ്യ പ്രവർത്തകരുടെ സംഘങ്ങൾ ഇന്ന് 4204 വീടുകൾ സന്ദർശിച്ചു ബോധവൽക്കരണം നടത്തി. വീടുകളിൽ നിരീക്ഷണത്തിൽ കഴിയുന്നവരുമായി ഫോൺ വഴി ബന്ധപ്പെട്ട് ആരോഗ്യ സ്ഥിതിയും വിലയിരുത്തി വരുന്നു.

• ജില്ലയിൽ പ്രവർത്തനം ആരംഭിച്ച രണ്ട് കോവിഡ് കെയർ സെന്ററുകളിലായി 27 പേർ നിരീക്ഷണത്തിൽ കഴിയുന്നുണ്ട്. ഇതിൽ തൃപ്പൂണിത്തുറയിൽ ആണ് 25 പേർ നിരീക്ഷണത്തിൽ കഴിയുന്നത്. 2 പേർ നെടുമ്പാശ്ശേരിയിലും.

• ജില്ലാ മാനസികാരോഗ്യ പരിപാടിയുടെ നേതൃത്വത്തിൽ ഇന്ന് നിരീക്ഷണത്തിൽ കഴിയുന്ന 601 പേർക്ക് കൗൺസലിംഗ് നൽകി. ഇത് കൂടാതെ കൺട്രോൾ റൂമിലേക്ക് വിളിച്ച 11 പേർക്കും ഇത്തരത്തിൽ കൗൺസലിംഗ് നൽകി.

• അതിഥി തൊഴിലാളികൾക്കിടയിൽ പ്രതിരോധ പ്രവർത്തനങ്ങൾ നടത്തുന്നതിന്റെ ഭാഗമായി മൊബൈൽ മെഡിക്കൽ ടീം ഇന്ന് 2 ക്യാമ്പുകൾ സന്ദർശിച്ച് 147 അതിഥി തൊഴിലാളികളെ പരിശോധിച്ചതിൽ 2 പേർക്ക് പനി,ചുമ തുടങ്ങിയവ കണ്ടതിനെ തുടർന്ന് അടുത്തുള്ള ആരോഗ്യകേന്ദ്രവുമായി ബന്ധപ്പെട്ട് ആവശ്യമായ നിർദ്ദേശങ്ങൾ നൽകി. കൂടാതെ ഇവർക്കെല്ലാം ബോധവത്ക്കരണ ക്ലാസുകളും സംഘടിപ്പിച്ചു.

• ജില്ലയിലെ പാലിയേറ്റീവ് കെയർ യൂണിറ്റിന്റെ നേതൃത്വത്തിൽ നിരീക്ഷണത്തിലുള്ള 10 വയോജങ്ങളുമായി ഫോൺ വഴി ബന്ധപ്പെട്ട് അവരുടെ ആശങ്കകൾ പരിഹരിച്ചു.

• വീടുകളിൽ നിരീക്ഷണത്തിൽ കഴിയുന്ന 9 ഗർഭിണികളുടെ ആരോഗ്യവിവരങ്ങൾ ആരോഗ്യപ്രവർത്തകർ ഫോൺ വഴി ശേഖരിച്ചു. ആവശ്യമായ നിർദ്ദേശങ്ങൾ നൽകി.

• ഇന്നലെ കൊച്ചി തുറമുഖത്ത് എത്തിയ 4 കപ്പലുകളിലെ 103 ക്രൂ അംഗങ്ങളെ പരിശോധിച്ചതിൽ ആർക്കും തന്നെ രോഗലക്ഷങ്ങളില്ല

Data Update
Home quarantine new 46
No. of persons released from home quarantine 330
Home quarantine total 978

Hospital isolation today 1 ( Pvt)
Hospital isolation total 20 (GMC- 8, GH Mvtpa-1 , DH Aluva-3, pvt-6 GMTH Karuvelipady-2 )

Positive case today Nil
Total positive case till date 25
Total positive cases under treatment 5

Sample sent today 16
Results received today 26
Results awaiting 75

No. of Covid Care Centres/Short Stay Homes 36
Total persons quarantined at Covid Care Centres 27

Total calls 161