വയനാട് ജില്ലയില് കോവിഡ് സ്ഥിരീകരിച്ച് ചികില്സയില് കഴിഞ്ഞിരുന്ന 5 പേര്ക്ക് കൂടി രോഗമുക്തി. നല്ലൂര്നാട് സ്വദേശി (30), പള്ളിക്കുന്ന് സ്വദേശി (25) ബത്തേരിയിലെ അതിഥി തൊഴിലാളി (30) മേപ്പാടി സ്വദേശി (27), നെന്മേനി സ്വദേശി (22) എന്നിവരാണ് രോഗമുക്തരായത്. സാമ്പിള് പരിശോധന നെഗറ്റീവായതിനെ തുടര്ന്ന് ജില്ലാ ആശുപത്രിയില് നിന്നാണ് ഇവരെ ഡിസ്ചാര്ജ് ചെയ്തത്. നിലവില് രോഗം സ്ഥിരീകരിച്ച് 16 പേര് മാനന്തവാടി ജില്ലാ ആശുപത്രിയിലും ഒരാള് കോഴിക്കോട് ബീച്ച് ആശുപത്രിയിലുമാണ് ചികിത്സയിലുണ്ട്.
264 പേര് നിരീക്ഷണ കാലം പൂര്ത്തിയാക്കി
ചൊവ്വാഴ്ച്ച പുതുതായി നിരീക്ഷണത്തിലായ 266 പേര് ഉള്പ്പെടെ നിലവില് 3421 പേര് നിരീക്ഷണത്തിലുണ്ട്. ഇതില് 30 പേര് മാനന്തവാടി ജില്ലാ ആശുപത്രിയില് നിരീക്ഷണ ത്തിലാണ്. അതേസമയം ചൊവ്വാഴ്ച്ച 264 പേര് നിരീക്ഷണകാലം പൂര്ത്തിയാക്കിയിട്ടുണ്ട്.
ജില്ലയില് നിന്നും ഇതുവരെ പരിശോധനയ്ക്ക് അയച്ച 2577 ആളുകളുടെ സാമ്പിളുകളില് 2162 ആളുകളുടെ ഫലം ലഭിച്ചതില് 2122 നെഗറ്റീവാണ്. 410 സാമ്പിളുകളുടെ ഫലം ലഭിക്കാനുണ്ട്. സാമൂഹ്യ വ്യാപനം നടന്നിട്ടുണ്ടോ എന്ന് പരിശോധിക്കുന്നതിന്റെ ഭാഗമായി ജില്ലയില് നിന്നും ആകെ 3449 സാമ്പിളുകള് പരിശോധനയ്ക്കായി അയച്ചിട്ടുണ്ട് .ഇതില് ഫലം ലഭിച്ച 2788 ല് 2771 നെഗറ്റീവാണ്. 661 സാമ്പിളുകളുടെ ഫലം ലഭിക്കാനുണ്ട്. ജില്ലാ മാനസികാരോഗ്യ പരിപാടിയുടെ നേതൃത്വത്തില് നിരീക്ഷണത്തില് കഴിയുന്ന 229 പേര്ക്ക് കൗണ്സലിംഗും നല്കി.