പത്തനംതിട്ട ജില്ലയില് ബുധനാഴ്ച ഒരാള്ക്ക് കോവിഡ്-19 സ്ഥിരീകരിച്ചു. ജൂണ് 16ന് റഷ്യയില് നിന്നും എത്തിയ പത്തനംതിട്ട ചിറ്റൂര് സ്വദേശിയായ 21 വയസുകാരനാണ് രോഗം സ്ഥിരീകരിച്ചത്. ഇദ്ദേഹം എറണാകുളം ഗവണ്മെന്റ് മെഡിക്കല് കോളജില് പരിശോധനയ്ക്ക് വിധേയനാവുകയും രോഗബാധ സ്ഥിരീകരിച്ചതിനെത്തുടര്ന്ന് പത്തനംതിട്ടയില് അഡ്മിറ്റ് ചെയ്യുകയും ചെയ്തു.
ജില്ലയില് ഇതുവരെ ആകെ 149 പേര്ക്ക് രോഗം സ്ഥിരീകരിച്ചിട്ടുണ്ട്. കൂടാതെ ആലപ്പുഴ ജില്ലയില് രോഗം സ്ഥിരീകരിച്ച ഒരു വ്യക്തി റാന്നി മേനാംതോട്ടം സിഎഫ്എല്ടിസിയിലും, കോട്ടയം ജില്ലയില് രോഗം സ്ഥിരീകരിച്ച ഒരു വ്യക്തി പത്തനംതിട്ട ജനറല് ആശുപത്രിയിലും ചികിത്സയില് ഉണ്ട്.
കോവിഡ്-19 മൂലം ജില്ലയില് ഇതുവരെ ഒരാള് മരണമടഞ്ഞിട്ടുണ്ട്. ബുധനാഴ്ച ജില്ലയില് അഞ്ചു പേര് രോഗവിമുക്തരായി. ആകെ രോഗമുക്തരായവരുടെ എണ്ണം 48 ആണ്. നിലവില് ജില്ലയില് 100 പേര് രോഗികളായിട്ടുണ്ട്. ഇതില് 96 പേര് ജില്ലയിലും, നാലു പേര് ജില്ലയ്ക്ക് പുറത്തും ചികിത്സയിലാണ്.
പത്തനംതിട്ട ജനറല് ആശുപത്രിയില് 44 പേരും, കോഴഞ്ചേരി ജില്ലാ ആശുപത്രിയില് എട്ടു പേരും, അടൂര് ജനറല് ആശുപത്രിയില് മൂന്നു പേരും, റാന്നി മേനാംതോട്ടം സിഎഫ്എല്ടിസിയില് 54 പേരും ഐസൊലേഷനില് ഉണ്ട്. സ്വകാര്യ ആശുപത്രികളില് 18 പേര് ഐസൊലേഷനില് ഉണ്ട്. ജില്ലയില് ആകെ 127 പേര് വിവിധ ആശുപത്രികളില് ഐസോലേഷനില് ആണ്.
ബുധനാഴ്ച പുതിയതായി ഏഴു പേരെ ഐസൊലേഷനില് പ്രവേശിപ്പിച്ചു. ജില്ലയില് 483 കോണ്ടാക്ടുകള് നിരീക്ഷണത്തില് ഉണ്ട്. മറ്റ് സംസ്ഥാനങ്ങളില് നിന്നും തിരിച്ചെത്തിയ 3390 പേരും വിദേശത്തുനിന്നും തിരിച്ചെത്തിയ 1156 പേരും നിലവില് നിരീക്ഷണത്തിലാണ്. വിദേശത്തുനിന്നും ബുധനാഴ്ച തിരിച്ചെത്തിയ 119 പേരും, മറ്റ് സംസ്ഥാനങ്ങളില് നിന്നും ബുധനാഴ്ച എത്തിയ 211 പേരും ഇതില് ഉള്പ്പെടുന്നു.
ആകെ 5029 പേര് നിരീക്ഷണത്തിലാണ്. ജില്ലയില് വിദേശത്തുനിന്നും, മറ്റ് സംസ്ഥാനങ്ങളില് നിന്നും തിരിച്ചെത്തുന്നവരെ താമസിപ്പിക്കുന്നതിന് 131 കോവിഡ് കെയര് സെന്ററുകള് സജ്ജീകരിച്ചിട്ടുണ്ട്. ഇവയില് നിലവില് 1035 പേര് താമസിക്കുന്നുണ്ട്.
ജില്ലയില് നിന്ന് ബുധനാഴ്ച 216 സാമ്പിളുകള് പരിശോധനയ്ക്ക് അയച്ചിട്ടുണ്ട്. ഇതുവരെ ജില്ലയില് നിന്നും 11562 സാമ്പിളുകള് ആണ് പരിശോധനയ്ക്കായി അയച്ചിട്ടുളളത്.
ജില്ലയില് ബുധനാഴ്ച 204 സാമ്പിളുകള് നെഗറ്റീവായി റിപ്പോര്ട്ട് ചെയ്തു. ബുധനാഴ്ച വരെ അയച്ച സാമ്പിളുകളില് 144 എണ്ണം പൊസിറ്റീവായും 10218 എണ്ണം നെഗറ്റീവായും റിപ്പോര്ട്ട് ലഭിച്ചിട്ടുണ്ട്. 924 സാമ്പിളുകളുടെ ഫലം ലഭിക്കാനുണ്ട്.
ജില്ലാ മെഡിക്കല് ഓഫീസറുടെ കണ്ട്രോള് റൂമില് 54 കോളുകളും, ജില്ലാ ദുരന്തനിവാരണ വിഭാഗത്തിന്റെ കണ്ട്രോള് റൂമില് 131 കോളുകളും ലഭിച്ചു. ക്വാറന്റൈനിലുളള ആളുകള്ക്ക് നല്കുന്ന സൈക്കോളജിക്കല് സപ്പോര്ട്ടിന്റെ ഭാഗമായി ഇന്ന് (17) 1071 കോളുകള് നടത്തുകയും, 115 പേര്ക്ക് കൗണ്സലിംഗ് നല്കുകയും ചെയ്തു.
ബുധനാഴ്ച നടന്ന ആശുപത്രി ജീവനക്കാര്ക്കുളള പരിശീലന പരിപാടിയില് 10 ഡോക്ടര്മാര്ക്കും, 12 നഴ്സുമാര്ക്കും, 14 ഇതര ജീവനക്കാര്ക്കും അടക്കം 36 പേര്ക്ക് കോവിഡ് പ്രിപ്പയേഡ്നെസ് പരിശീലനം നല്കി. ജില്ലാ കളക്ടറുടെ നേതൃത്വത്തിലുളള ദൈനംദിന അവലോകനയോഗം വൈകുന്നേരം 4.30 ന് ജില്ലാ കളക്ടറുടെ ചേമ്പറില് നടന്നു. പ്രോഗ്രാം ഓഫീസര്മാരുടെയും മാനേജ്മെന്റ് ടീം ലീഡര്മാരുടെയും പ്ലാനിംഗ് മീറ്റിംഗ്, ജില്ലാ മെഡിക്കല് ഓഫീസറുടെ ചേമ്പറില് കൂടി.