ഇന്ത്യയിലെ ബോസ്‌നിയൻ അംബാസിഡർ സബിത് സുബാസിക് മുഖ്യമന്ത്രി പിണറായി വിജയനെ ഓഫീസിൽ സന്ദർശിച്ചു. വിനോദസഞ്ചാര മേഖലയിൽ ബോസ്‌നിയയുമായി സഹകരിക്കുന്നതിനുളള സാധ്യതകൾ ആരായണമെന്ന് അദ്ദേഹം മുഖ്യമന്ത്രിയോട് അഭ്യർത്ഥിച്ചു. ആരോഗ്യ-വിദ്യാഭ്യാസ മേഖലകളിലും കേരളവുമായി സഹകരിക്കാൻ കഴിയും. ആയുർവേദത്തിന്റെ സാധ്യതകൾ പ്രയോജനപ്പെടുത്താനും ഇതിലൂടെ അവസരമൊരുങ്ങും. മുഖ്യമന്ത്രി ബോസ്‌നിയ സന്ദർശിക്കണമെന്നും അദ്ദേഹം ആഗ്രഹം പ്രകടിപ്പിച്ചു.
കൂടിക്കാഴ്ചയിൽ മുഖ്യമന്ത്രിയുടെ പ്രിൻസിപ്പൽ സെക്രട്ടറി വി.എസ്. സെന്തിൽ, പ്രൈവറ്റ് സെക്രട്ടറി എം.വി. ജയരാജൻ എന്നിവർ സന്നഹിതരായിരുന്നു.