എറണാകുളം : മോടി പിടിപ്പിച്ച കെട്ടിടത്തിൽ കണയന്നൂരിനൊരു പുസ്തകം , ലൈബ്രറി ആരംഭിച്ച് കണയന്നൂർ താലൂക്ക് ഓഫീസ്. കൊച്ചിയുടെ രാജഭരണ ചരിത്രത്തിൽ മായാത്ത മുദ്രകൾ പതിച്ചിട്ടുള്ള ഒന്നാണ് കണയന്നൂർ താലൂക്ക് ഓഫീസ് കെട്ടിട സമുച്ചയം. നൂറ്റാണ്ടുകളുടെ പഴക്കവും ചരിത്രത്തിന് മായ്ക്കാൻ കഴിയാത്ത ഏടുകളും കൊണ്ട് സമൃദ്ധമായ കെട്ടിടം മോടി പിടിപ്പിച്ചതിനോട് അനുബന്ധിച്ചാണ് ലൈബ്രറി ഒരുക്കിയിരിക്കുന്നത്.

സി ഐ സി സി പ്രസാധകൻ ജയചന്ദ്രന്റെ കയ്യിൽ നിന്നും ലൈബ്രറിയിലേക്കുള്ള ആദ്യ പുസ്തകം ഇന്റർ ഏജൻസി ഗ്രൂപ്പ് കണയന്നൂർ താലൂക്ക് ഇൻ ചാർജ് ടി. ആർ ദേവൻ ഏറ്റുവാങ്ങി.
പുസ്തകശേഖരത്തിലേക്ക് പുസ്തകം നൽകാൻ താൽപര്യമുളളവർ ഈ നമ്പരിൽ ബന്ധപ്പെടുക 94470 18101