ഭക്ഷ്യഭദ്രതാ നിയമ പ്രകാരം മാര്‍ച്ച് മാസം എ.എ.വൈ വിഭാഗത്തിന് 30 കിലോഗ്രാം അരിയും അഞ്ച് കിലോഗ്രാം ഗോതമ്പും സൗജന്യമായി ലഭിക്കുമെന്ന് ജില്ലാ സപ്ലൈ ഓഫീസര്‍ അറിയിച്ചു.

മുന്‍ഗണനാ വിഭാഗം കാര്‍ഡുകളിലെ ഓരോ അംഗത്തിലും നാലു കിലോഗ്രാം അരിയും ഒരു കിലോഗ്രാം ഗോതമ്പും സൗജന്യമായി ലഭിക്കും.

മുന്‍ഗണനേതര വിഭാഗത്തിലെ രണ്ടു രൂപ നിരക്കിലുള്ള ഭക്ഷ്യധാന്യ വിതരണ പദ്ധതിയില്‍ ഉള്‍പ്പെട്ടവര്‍ക്ക് ഓരോ അംഗത്തിനും രണ്ട് കിലോഗ്രാം അരി കിലോഗ്രാമിന് രണ്ടു രൂപ നിരക്കിലും മൂന്ന് കിലോഗ്രാം ആട്ട 15 രൂപ നിരക്കിലും ലഭിക്കും.

രണ്ടു രൂപ നിരക്കിലുള്ള ഭക്ഷ്യധാന്യ വിതരണ പദ്ധതിയില്‍ ഉള്‍പ്പെടാത്ത മുന്‍ഗണനേതര വിഭാഗത്തിലുള്ളവര്‍ക്ക് നാല് കിലോഗ്രാം ഭക്ഷ്യധാന്യം സ്റ്റോക്കിന്റെ അടിസ്ഥാനത്തില്‍ ക്രമീകരിച്ച് അരി കിലോഗ്രാമിന് 8.90 രൂപ നിരക്കിലും ഗോതമ്പ് കിലോഗ്രാമിന് 6.70 രൂപ നിരക്കിലും ആട്ട കിലോഗ്രാമിന് 15 രൂപ നിരക്കിലും വിതരണം ചെയ്യും. ഭക്ഷ്യധാന്യങ്ങള്‍ ഒറ്റത്തവണയായും ലഭിക്കും.

വൈദ്യുതീകരിച്ച വീടുള്ള കുടുംബങ്ങള്‍ക്ക് അര ലിറ്ററും വൈദ്യുതീകരിക്കാത്ത വീടുള്ള കുടുംബങ്ങള്‍ക്ക് നാല് ലിറ്ററും ലിറ്ററിന് 22 രൂപ നിരക്കില്‍ മണ്ണെണ്ണ ലഭിക്കും.

റേഷന്‍ കടകളില്‍ ഇ-പോസ് മെഷീനുകള്‍ സ്ഥാപിച്ച് വിതരണം നടത്തുമ്പോള്‍ എ.എ.വൈ സ്‌കീമിലെ റേഷന്‍ സാധനങ്ങള്‍ ഒഴികെയുള്ള ഭക്ഷ്യധാന്യങ്ങള്‍ക്ക് നിലവിലുള്ള വിലയില്‍ നിന്നും ഒരു രൂപ അധികം ഈടാക്കും.

പരാതികള്‍ 1800-425-1550 ടോള്‍ഫ്രീ നമ്പരിലോ ജില്ലാ സപ്ലൈ ഓഫീസിലോ അതത് താലൂക്ക് സപ്ലൈ ഓഫീസിലോ അറിയിക്കാം. ഫോണ്‍: 0474-2794818(ജില്ലാ സപ്ലൈ ഓഫീസ്, കൊല്ലം), 0474-2454769(കൊട്ടാരക്കര), 0476-2620238(കരുനാഗപ്പള്ളി), 0475-2350020(പത്തനാപുരം), 0474-2767964(കൊല്ലം), 0475-2222689(പുനലൂര്‍), 0476-2830292(കുന്നത്തൂര്‍).