കൊച്ചി പ്രത്യേക സാമ്പത്തിക മേഖലയിൽ കോവിഡ് കണ്ടെയ്ൻമെൻ്റ് സോണുകൾ പ്രഖ്യാപിക്കുന്നതിനുള്ള മാർഗനിർദ്ദേശങ്ങൾ ജില്ലാ കളക്ടർ എസ് സുഹാസ് പുറപ്പെടുവിച്ചു. കോവിഡ് രോഗ സ്ഥിരീകരണം റിപ്പോർട്ട് ചെയ്യുന്ന യൂണിറ്റുകൾ മാത്രം മൈക്രോ കണ്ടെയ്ൻമെൻറ് സോൺ ആയി പ്രഖ്യാപിക്കുകയും ഏഴ് ദിവസത്തേക്ക് അടച്ചിടുകയും ചെയ്യും. മേഖലയിലെ മറ്റ് യൂണിറ്റുകൾക്ക് പ്രവർത്തിക്കാം. പ്രാഥമിക സമ്പർക്കപ്പട്ടികയിൽ ഉൾപ്പെടുന്നവർ 14 ദിവസം ക്വാറൻ്റീനിൽ കഴിയണം.
രോഗലക്ഷണമുള്ളവർ ക്വാറൻ്റീനിൽ കഴിയുകയും പരിശോധന നടത്തുകയും വേണം. അവശ്യ സേവന മേഖലയിലെ സ്ഥാപനങ്ങൾ 20 ശതമാനം ജീവനക്കാരെ ഉപയോഗപ്പെടുത്തി പ്രവർത്തിക്കണം
മാസ്ക്, സാമൂഹ്യ അകലം തുടങ്ങിയ ബ്രേക്ക് ദ ചെയിൻ നിർദ്ദേശങ്ങൾ പാലിക്കണമെന്നും കലക്ടർ പുറത്തിറക്കിയ ഉത്തരവിൽ വ്യക്തമാക്കി.