തിരുവനന്തപുരം നഗരത്തിലെ ആദ്യ മൾട്ടി ലെവൽ പാർക്കിംഗ് സംവിധാനം സജ്ജമായി. നഗരസഭാ കോമ്പൗണ്ടിലാണ് ആദ്യ മള്‍ട്ടി – ലെവല്‍ കാര്‍ പാര്‍ക്കിംഗ് സംവിധാനം തയ്യാറാക്കിയിരിക്കുന്നത്. 5.64 കോടി രൂപ മുടക്കി 7 നിലകളിലായി 102 കാറുകള്‍ പാര്‍ക്ക് ചെയ്യാന്‍ കഴിയുന്ന സെമി ഓട്ടോമാറ്റിക് പസിൽ മോഡ് ( semi – automatic – puzzle mode ) സംവിധാനമാണ് അവലംബിക്കുന്നത്.

നഗരസഭയിലെ വിവിധ ആവശ്യങ്ങള്‍ക്കായി വരുന്ന പൊതുജനങ്ങള്‍ സ്ഥല പരിമിതിമൂലം പ്രയാസം അനുഭവിക്കാറുണ്ട്. ഇതിനൊരു പരിഹാരമാണ് മൾട്ടി ലെവൽ കാർ പാർക്കിംഗ് സിസ്റ്റം.
മുഖ്യമന്ത്രി പിണറായി വിജയൻ ഒക്ടോബർ അഞ്ചിന് ഉദ്ഘാടനം ചെയ്യും.
ഇതോടൊപ്പം പാളയം എ ബ്ലോക്ക് മൾട്ടിലെവൽ കാർ പാർക്കിംഗിന്റെ നിർമാണോദ്ഘാടനവും നഗരസഭയുടെ പുതുതായി പണിത കവാടത്തിന്റെ ഉദ്ഘാടനവും നടക്കും.