പാലക്കാട്: ഐ.എച്ച്.ആര്‍.ഡി.യുടെ തൊഴിലധിഷ്ഠിത കോഴ്‌സുകളിലേക്ക് പെരിന്തല്‍മണ്ണ ടെക്‌നിക്കല്‍ ഹയര്‍ സെക്കന്‍ഡറി സ്‌കൂളില്‍ പ്രവേശനത്തിനായി അപേക്ഷിക്കാം. റഗുലര്‍/പാര്‍ട്ട് ടൈം പിജിഡിസിഎ, ഡിസിഎ, ഡാറ്റാ എള്‍ട്രി ടെക്‌നിക്‌സ് ആന്റ് ഓഫീസ് ഓട്ടോമേഷന്‍, സര്‍ട്ടിഫിക്കറ്റ് കോഴ്‌സ് ഇന്‍ ലൈബ്രറി ആന്റ് ഇന്‍ഫര്‍മേഷന്‍ സയന്‍സ് തുടങ്ങിയ കോഴ്‌സുകളിലേക്കാണ് പ്രവേശനം.
പട്ടികജാതി- പട്ടികവര്‍ഗ-മറ്റ് പിന്നാക്ക വിദ്യാര്‍ഥികള്‍ക്ക് പട്ടികജാതിവികസന വകുപ്പില്‍നിന്ന് ആനുകൂല്യം ലഭിക്കും.
അപേക്ഷാഫോറവും വിശദവിവരവും www.ihrd.ac.in ല്‍ ലഭിക്കും. പൂരിപ്പിച്ച അപേക്ഷകള്‍ രജിസ്‌ട്രേഷന്‍ ഫീസ് 150 രൂപ (പട്ടികജാതി- പട്ടികവര്‍ഗ വിഭാഗങ്ങള്‍ക്ക് 100 രൂപ) പ്രിന്‍സിപ്പാള്‍, ടെക്‌നിക്കല്‍ ഹയര്‍ സെക്കന്‍ഡറി സ്‌കൂള്‍, പെരിന്തല്‍മണ്ണ എന്ന പേരിലെടുത്ത ഡി.ഡി സഹിതം ജൂലൈ 23 വൈകീട്ട് നാലിനകം സമര്‍പ്പിക്കണം. ഫോണ്‍: 04933- 225086, 8547021210, 9847433023.