കൊച്ചി: എറണാകുളം ജില്ലയില്‍ പട്ടികജാതി വകുപ്പിനു കീഴില്‍ പ്രവര്‍ത്തിച്ചു വരുന്ന പോസ്റ്റ്‌മെട്രിക് ഹോസ്റ്റലുകളില്‍ (ആണ്‍/പെണ്‍) നിലവിലുള്ള പട്ടികജാതി/പട്ടികവര്‍ഗ്ഗ/മറ്റര്‍ഹ ഒഴിവുകളിലേയ്ക്ക് 2018-19 വര്‍ഷം പ്രവേശനത്തിനായി അര്‍ഹരായവിദ്യാര്‍ത്ഥി/വിദ്യാര്‍ത്ഥിനികളില്‍ നിന്ന് അപേക്ഷകള്‍ ക്ഷണിക്കുന്നു. അപേക്ഷകര്‍ നിശ്ചിത മാതൃക
യിലുള്ള അപേക്ഷ പഠിയ്ക്കുന്ന സ്ഥാപനത്തിലെ പ്രിന്‍സിപ്പല്‍ മേലൊപ്പ് വെച്ച് ജാതി, വരുമാനം, നേറ്റിവിറ്റി, സ്വഭാവ സര്‍ട്ടിഫിക്കറ്റുകള്‍, മാര്‍ക്ക്‌ലിസ്റ്റ് എന്നിവയുടെ സാക്ഷ്യപ്പെടുത്തിയ പകര്‍പ്പും സ്ഥാപനത്തില്‍ ഹോസ്റ്റല്‍ സൗകര്യം ലഭ്യമാണെങ്കില്‍ ടി ഹോസ്റ്റലില്‍ പ്രവേശനം ലഭിച്ചില്ല എന്ന സാക്ഷ്യപത്രം സഹിതം ജൂലൈ 16-ന് മുന്‍പായി ബന്ധപ്പെട്ട ഹോസ്റ്റലുകളിലെ റസിഡന്റ് ട്യൂട്ടര്‍മാര്‍ക്ക് സമര്‍പ്പിക്കേണ്ടതാണ്.
വിശദ വിവരങ്ങള്‍ക്കും അപേക്ഷാ ഫോറത്തിനും എറണാകുളം ഫോര്‍ഷോര്‍ റോഡിലുള്ള ആണ്‍കുട്ടികളുടെ ഹോസ്റ്റലുമായോ ഗവ. പ്രസ് റോഡിലുള്ള (ജില്ലാ കോടതി സമുച്ചയത്തിന് സമീപം) പെണ്‍കുട്ടികളുടെ ഹോസ്റ്റലുമായോ എറണാകുളം ജില്ലാ പട്ടികജാതി വികസന ആഫീസ്സുമായോ ബന്ധപ്പെടേണ്ടതാണ്. (ഫോണ്‍:04842422256).