സംസ്ഥാന വനിതാ ശിശു വികസന വകുപ്പും വയനാട് ജില്ലാ ശിശു സംരക്ഷണ യൂണിറ്റും ഒ.ആര്‍.സിയും സംയുക്തമായി വിദ്യാര്‍ത്ഥികള്‍ക്കായി നടത്തുന്ന ത്രിദിന പകല്‍ പഠന ക്യാമ്പ് ആരംഭിച്ചു. വെള്ളമുണ്ട ജി.എം.എച്ച്.എസ്. സ്‌കൂളില്‍ നടക്കുന്ന ക്യാമ്പ് ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ ജുനൈദ് കൈപ്പാണി ഉദ്ഘാടനം ചെയ്തു. പി.ടി.എ പ്രസിഡന്റ് രഞ്ജിത് മാനിയില്‍ അധ്യക്ഷത വഹിച്ചു. ഡോ. പി. അഷ്‌റഫ്, ടി.വി. എല്‍ദോസ്, എം.കെ. ഷീന തുടങ്ങിയവര്‍ സംസാരിച്ചു.
