കേരള സർക്കാരിന്റെ ഹിന്ദി അധ്യാപക ട്രെയിനിംഗ്‌ യോഗ്യതയായ രണ്ട് വർഷത്തെ റഗുലർ ഹിന്ദി ഡിപ്ലോമ ഇൻ എലിമെന്ററി എഡ്യൂക്കേഷൻ കോഴ്‌സ് 2025-2027 ബാച്ചിലെ മെറിറ്റ് / മാനേജ്‌മെന്റ് സീറ്റീലേക്ക് അപേക്ഷ ക്ഷണിച്ചു. 50 ശതമാനം മാർക്കോടെ രണ്ടാം ഭാഷ ഹിന്ദിയിലുള്ള പ്ലസ് ടു, പ്രചാരസഭകളുടെ അംഗീകൃത ഹിന്ദി കോഴ്‌സുകൾ, ഡിഗ്രി, എംഎ വിജയിച്ചവർക്ക് അപേക്ഷിക്കാം. പ്രായപരിധി 17 നും 35 നും ഇടയ്ക്ക്. പട്ടികജാതി പിന്നോക്ക വിഭാഗത്തിന് ഫീസ് ഇളവ് ലഭ്യമാണ്. ആഗസ്റ്റ് 11 വൈകിട്ട് 5 ന് മുൻപായി അപേക്ഷിക്കണം. മെറിറ്റ് പൊതുവിദ്യാഭ്യാസ ഡയറക്ടറേറ്റിലും മാനേജ്‌മെന്റ് ഭാരത് ഹിന്ദി പ്രചാരകേന്ദ്രം അടൂർ പത്തനംതിട്ട ജില്ല എന്ന വിലാസത്തിലും അപേക്ഷിക്കണം. കൂടുതൽ വിവരങ്ങൾക്ക്: 8547126028, 04734-296496.